Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Іshki ister mınıstrligi avtokólikti tirkeýdegi jańashyldyqtardy túsindirdi

2021 jyldyń 15 qarasha 2021 14:28

NUR-SULTAN. QazAqparat – QR Іshki ister mınıstrligi avtokólikti tirkeý boıynsha memlekettik qyzmetti usynýdaǵy tsıfrlyq jańashyldyqtar týraly málimdedi, dep habarlaıdy QazAqparat tilshisi.

«Іshki ister mınıstrligi joldaǵy kólik qozǵalysy salasyndaǵy tsıfrlandyrýǵa erekshe ekpin qoıyp otyr. Onyń ishinde memlekettik qyzmetter sapasyn kóterý men qoljetimdigin arttyrý baǵyty aıryqsha nazarda tur», - dedi Іshki ister mınıstrliginiń ókili Shuǵyla Turlybek onlaın brıfıngide.

Onyń aıtýynsha, kólik quraldaryn tirkeý (jyl saıyn 2,5 mıllıon) jáne júrgizýshi kýáligin alý (jyl saıyn 1 mıllıon) halyq arasynda eń tanymal qyzmetter.

ІІM qarjy ınstıtýttarymen birlesip eń tanymal memlekettik qyzmetterdiń biri – avtokólikti satý jáne qaıta tirkeý Halyk Bank jáne Kaspi.kz mobıldi qosymshalaryna shyǵaryldy.

Qazirgi kezde eldegi barlyq qaıta tirkeýlerdiń tórtten bir bóligi osy banktik qosymshalar arqyly ótedi (kún saıyn 2,7 myńnan astam).

Belgili bolǵandaı, QR ІІM bul qyzmetti taǵy eki qarjy uıymynyń (Eýrazııalyq bank jáne Frıdom fınans) mobıldi qosymshasyna shyǵarady. Bul qyzmet sondaı-aq 102 mobıldi qosymshada iske asyrylatyn bolady.

«Endi satýshylar men satyp alýshylarǵa avtokólikti satý/satyp alý kezinde mamandandyrylǵan Halyqqa qyzmet kórsetý ortalyǵyna barýdyń qajeti joq – barlyq rásim banktik qosymshada onlaın qoljetimdi», - dedi Sh. Turlybek.

Jańa qyzmetti paıdalana otyryp, avtomobıldi satýshy men satyp alýshy Halyk Homebank qosymshasynda satýǵa/satyp alýǵa, aıyppuldar men salyqtardy tóleýge, avtokólikti qaıta rásimdeý boıynsha barlyq qajetti qujattarǵa qol qoıýǵa, mámileni rastaıtyn qujattardy alýǵa, sondaı-aq jańa nómirdi alýǵa nemese avtomobıldiń burynǵy memlekettik nómirin saqtaýǵa bolady.

Sondaı-aq, qosymshada aıyppuldardy tóleý, qujattandyrý qyzmetterin tóleý (tólqujat/jeke kýálikti alý/aýystyrý) jáne basqa da kóptegen fýnktsııalar bar.


Joǵary qaraı