Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Іshki ister mınıstrligi aýa raıynyń nasharlaýyna baılanysty júrgizýshilerge úndeý jasady

2021 jyldyń 22 qazan 2021 22:30

NUR-SULTAN. QazAqparat - Іshki ister mınıstrligi júrgizýshilerdi aýa raıy nasharlaǵan kezdegi qaýip-qaterdi esten shyǵarmaýǵa shaqyrdy, dep habarlaıdy QazAqparat.

Vedomstvonyń baspasóz qyzmeti atap ótkendeı, aldaǵy kúnderi respýblıka aýmaǵynda kún sýytady, sondaı-aq jel kúsheıip, joldarda kóktaıǵaq bolýy múmkin.

Meteojaǵdaıdyń nasharlaýy týraly eskertý aýmaqtyq polıtsııa bólimsheleriniń basshylaryna jiberildi.

Jol qozǵalysyna qatysýshylardyń qaýipsizdigi úshin ІІM aýa raıyn eskere otyryp, avtokólikpen uzaq sapardy aldyn ala josparlaýǵa shaqyrady.

Qutqarý qyzmetiniń habarlamalaryna nazar aýdaryp, aýa raıy nasharlaǵan kezde alys jolǵa shyǵýdy shekteýge, qajet bolǵan jaǵdaıda kóliktiń balama túrin paıdalanýǵa keńes beredi.

Kúzgi-qysqy kezeńniń bastalýyna baılanysty kólik júrgizý áldeqaıda qaýipti bolady, jyldyń osy ýaqytynda óte muqııat bolý kerek.

Jolda kútpegen apattyń aldyn alýǵa kómektesetin avtomobılder arasyndaǵy qaýipsiz qashyqtyqty saqtańyz.


Basty sózder: Kólik, Qaýipsizdik, QR ІІM, Aýa raıy, Jol,
Joǵary qaraı