Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Іri jáne ózekti ınvestıtsııalyq jobalar tapshylyǵy bar – Qasym-Jomart Toqaev

2021 jyldyń 14 qazan 2021 17:51

NUR-SULTAN. QazAqparat – Eýrazııalyq ekonomıkalyq odaq elderinde iri jáne ózekti ınvestıtsııalyq jobalar tapshylyǵy bar. Bul týraly QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Elderimiz 2025 jylǵa deıingi ónerkásip yntymaqtastyǵynyń baǵdarlamalyq baǵyttaryn júzege asyrý jónindegi is-sharalar josparynyń jobasyn maquldaǵan. Bul baǵytta Reseı Federatsııasymen júıeli yntymaqtastyǵymyz bar.Tek sońǵy 2 jyldyń ishinde ǵana birqatar iri ónerkásiptik joba júzege asyryldy. Atap aıtqanda, «Lýkoılmen» birge maılaǵysh materıaldaryn óndirý zaýyty, «KamAZ-ben» birge avtomobıldiń bólshekterin shyǵaratyn eki joba, «Tatneftpen» birge shına shyǵaratyn zaýyt jáne ózge de birqatar mańyzdy joba bar», - dedi Qasym-Jomart Toqaev Joǵary Eýrazııalyq ekonomıkalyq keńes otyrysynda.

Alaıda, Memleket basshysynyń atap ótýinshe, odaqtyń basqa elderimen ónerkásiptik yntymaqtastyqtyń áleýeti áli tolyq ashylmaı otyr.

«Іri jáne ózekti ınvestıtsııalyq jobalar tapshylyǵy bar. Úkimetterge ıntegratsııalyq ózara is-qımyldyń osy vektoryn kúsheıtý týral tapsyrma berý durys bolady dep sanaımyn», - dedi Qasym-Jomart Toqaev.


Joǵary qaraı