Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Irannan 1,7 mlrd teńgeniń temekisin elge zańsyz kirgizbek bolǵan qylmystyq top sottaldy

2021 jyldyń 18 maýsym 2021 17:01

AQTAÝ. QazAqparat - Mańǵystaý oblysynda Irannan 1,7 mlrd teńgege temeki kontrabandasy dereginiń joly kesildi, dep habarlaıdy QazAqparat Qarjylyq monıtorıng agenttigine silteme jasap.

Jyl saıyn temeki ónimderiniń qara naryǵyna ondaǵan mıllıard temeki tasymaldanady.

Mysaly, tek ótken jyly Qazaqstanǵa 1,2 mlrd astam teńgege 7,9 mln astam temeki qoraby zańsyz tasymaldandy.

Kontrabanda temeki ónimderine salyq salý júıesine nuqsan keltirip, temeki shegýdi jastarǵa qol jetimdi etý arqyly qoǵamǵa aıtarlyqtaı zııan keltiredi.

Kóbine temeki ónimderiniń kontrabandasynan túsetin kiristerdi qylmystyq jáne terrorıstik toptar qaltasyna basady. .

Mańǵystaý oblysy boıynsha ekonomıkalyq tergeý departamenti Iran Respýblıkasynan Qazaqstan aýmaǵyna temekiniń ekonomıkalyq kontrabandasyn iske asyrǵan qylmystyq top qyzmetiniń jolyn kesti.

Tergeý barysynda Aqtaý qalasy «Morport» keden beketi basshysynyń qoldaýymen Irannan keramıkalyq plıtka men tomat pastasy túrinde 30 konteıner temeki zańsyz tasymaldanǵany anyqtaldy.

Temekiniń zańsyz kontrabandasyna kómek kórsetý úshin UQT músheleri aqshalaı syıaqy usynǵan.

Tárkilengen temekiniń kedendik quny – 1,7 mlrd astam teńgeni, kedendik tólemder men salyqtar – 4,8 mlrd astam teńgeni qurady.

Basty uıymdastyrýshy jáne laýazymdy tulǵa – 10 jylǵa, quqyqqa qarsy qyzmettiń úsh sybaılasy 5 jylǵa sottaldy.


Joǵary qaraı