Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Iordanııa týrızm salasyn qutqarý sharalaryn qolǵa aldy

2021 jyldyń 21 maýsym 2021 15:56

AMMAN. QazAqparat - Iordanııa eldiń týrıstik sektorynyń jeke tulǵalary men kásiporyndaryna pandemııa saldaryn jeńýge kómek kórsetýge baǵyttalǵan birqatar shara qabyldady, dep habarlaıdy QazAqparat tilshisi.

20 maýsymda týrıstik sektor ókilderimen ótken kezdesýde Iordanııa Koroli II Abdalla koroldiktiń týrıstik salasyn qalpyna keltirý, onyń básekege qabilettiligin arttyrý, sondaı-aq Iordanııa týrızmin jergilikti, óńirlik jáne halyqaralyq deńgeılerde ilgeriletý qajettiligi úshin memlekettik jáne jeke sektordyń kúsh-jigerin biriktirýge shaqyrdy.

Sondaı-aq ol shetelden týrıster sanyn arttyrý maqsatynda arzan avıatasymaldaýshylardy tartýǵa shaqyrdy.

Sol kúni Iordanııa úkimetiniń otyrysynda týrıstik sektordy qoldaý boıynsha birqatar shara qabyldandy.

Búginde Iordanııaǵa barý úshin qazaqstandyqtarǵa ushardan 72 saǵat buryn PTR-test tapsyrý jetkilikti. Vaktsınatsııa sertıfıkaty bar týrısterge PTR-testi qaıta tapsyrýdyń qajeti joq.

Ótken aptada habarlanǵandaı, koroldik osy aıdan bastap «Spýtnık V» vaktsınasyn alǵandyǵy jóninde sertıfıkaty bar týrısterdi qabyldaı bastady.


Basty sózder: Týrızm, Koronavırýs, Vaktsına, Álem,
Joǵary qaraı