Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Iordanııa Koroldigi Qazaqstannyń «AntikorNews» jobasyna qyzyǵýshylyq tanytty

2021 jyldyń 21 qańtar 2021 12:03

NUR-SULTAN. QazAqparat – Iordanııa Koroldigi Qazaqstannyń «AntikorNews» jobasyna qyzyǵýshylyq tanytty.

Bul týraly QR Sybaılas jemqorlyqqa qarsy is-qımyl agenttigi Seriktestik departamenti dırektorynyń orynbasary Perızat Sádýaqas aıtty, dep habarlaıdy QazAqparat tilshisi.

«Sybaılas jemqorlyqqa qarsy saıasat týraly azamattardy keńinen aqparattandyrý, óz jumysynyń ashyqtyǵyn arttyrý, qoǵamda jemqorlyqty qabyldamaý mádenıetin qalyptastyrý, servıstik qoljetimdilikti jaqsartý maqsatynda agenttik birqatar mańyzdy bastamany júzege asyrýda. 2020 jyly agenttik «AntikorNews» jáne «AntikorLive» atty erekshe medıa-jobalardy iske qosty. «AntikorNews» agenttiktiń BAQ-pen jáne jurtshylyqpen ózara is-qımylynyń mańyzdy quraly retinde sybaılas jemqorlyqqa qarsy kontenttiń úzdiksiz onlaın kórsetilimin qamtamasyz etip, sondaı-aq antıkor qyzmetiniń nátıjeleri men basymdyqtary týraly jedel habarlaıdy», - dedi Perızat Sádýaqas agenttiktiń Facebook alańynda ótken brıfıng barysynda.

Onyń aıtýynsha, «AntikorNews» jańalyqtary memlekettik jáne orys tilderinde taratylady. Olar apta saıyn agenttiktiń resmı saıtynda jáne áleýmettik jelilerdegi akkaýnttarynda jarııalanyp, barlyq óńirlik telearnalardan kórsetiledi.

2020 jyly ortalyq apparat «AntikorNews»-tiń 40 shyǵarylymyn, aýmaqtyq departamentter 650 shyǵarylymyn ázirledi. Az ǵana ýaqyt aralyǵynda bul joba nátıjeliligin kórsetip, suranysqa ıe boldy. Onyń tujyrymdamasyna tipti Iordanııa Koroldiginiń sybaılas jemqorlyqqa qarsy vedomstvosy qyzyǵýshylyq tanytty. Sondaı-aq «AntikorNews» jobasynyń aıasynda 60-qa jýyq brıfıng ótkizilip, 130-ǵa jýyq jedel túsirilim jáne BAQ-ta 6,2 myńnan astam materıal jarııalandy. Antıkor ókilderi Ortalyq kommýnıkatsııalar qyzmeti men «Bolashaq» halyqaralyq baǵdarlamalar ortalyǵynda ótken 5 baspasóz konferentsııasyna qatysty», - dedi ol.


Joǵary qaraı