Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Inflıatsııanyń ósýine qandaı faktorlar áser etti – Ulttyq bank

2021 jyldyń 12 qarasha 2021 11:50

NUR-SULTAN. QazAqparat – Inflıatsııanyń ósýi syrtqy jáne ishki faktorlarǵa birdeı dárejede baılanysty. Bul týraly QR Ulttyq bankiniń tóraǵasy Erbolat Dosaev Qazaqstan qarjygerleriniń IX kongresinde aıtty, dep habarlaıdy QazAqparat.

«Ulttyq banktiń negizgi mandaty – baǵa turaqtylyǵyn qamtamasyz etý. Pandemııanyń órshý kezeńinde biz ishki suranys tómendegen jaǵdaıda ekonomıkalyq belsendilikti saqtaý úshin yntalandyrýshy aqsha-kredıt saıasatyn júrgizdik, bul karantındi qatańdatý sharalarynyń dezınflıatsııalyq áserin kúsheıtti. Ekonomıka ósiminiń oń traektorııasyna shyqqan soń biz proınflıatsııalyq táýekelder kúsheıgen jaǵdaıda aqsha-kredıt saıasatynyń baǵytyn ózgertemiz. Búginde baıqalyp otyrǵan ınflıatsııanyń ósýi syrtqy jáne ishki faktorlarǵa teń dárejede baılanysty», - dedi Erbolat Dosaev.

Spıkerdiń aıtýynsha, bir jaǵynan jahandyq naryqtardaǵy suranys pen usynys alshaqtyǵynyń kúsheıýi jetkizýdegi irkilisterge, tasymaldaý qunynyń, shıkizat pen azyq-túlik taýarlary baǵasynyń ósýine alyp keledi.

«Sońǵy 10 jylda álemde azyq-túlik baǵasynyń eń joǵary ósimi tirkeldi, metaldar bir jylda 1,5 esege qymbattady. Shıkizatqa suranysty kórsetetin qurǵaq júkterdi tasymaldaý quny tapsyrystardyń ósýi men konteınerlerdiń jetispeýine baılanysty 2019 jyldyń aıaǵynan bastap 3,2 esege jáne 2020 jylǵy mamyrmen salystyrǵanda 7 esege ósti. Nátıjesinde eń joǵary kórsetkishter jańarǵanda syrtqy ınflıatsııalyq fon da nasharlaıdy. AQSh-ta ınflıatsııa 1990 jyldan bastap 30 jyldyq maksımýmǵa jetip, 6,2% boldy, Eýropa odaǵynda da ol rekordtyq kórsetkish – 4,1%-ǵa jetti», - dep atap ótti Ulttyq bank basshysy.

Erbolat Dosaev málimdegendeı, mundaı jaǵdaıda ortalyq bankter aqsha-nesıe sharttaryn qatańdatýǵa kóshe bastaıdy. Bıylǵy qyrkúıek aıynyń basynan bastap 24 eldiń ortalyq bankteri negizgi mólsherlemelerin kótergen.


Joǵary qaraı