Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Importqa táýeldi ónim óndirý salasynda jumys isteımin degenderge úlken múmkindik bar - Smaıylov

2022 jyldyń 17 mamyr 2022 10:49

NUR-SULTAN. QazAqparat – Importqa táýeldi ónim óndirý salasynda jumys isteımin degenderge úlken múmkindik bar. Bul týraly búgin Úkimet otyrysynda QR Premer-Mınıstri Álıhan Smaıylov aıtty, dep habarlaıdy QazAqparat tilshisi.

«Mal sharýashylyǵy – otandyq aýyl sharýashylyǵyndaǵy dástúrli ári jetekshi salanyń biri. Memleket mal basyn kóbeıtip, mal sharýashylyǵy ónimderin óndirý úshin arnaıy qoldaý kórsetip keledi. Onyń ishinde ınvestıtsııalyq jobalardy iske asyrý, tehnıka men jabdyqtardy satyp alý kezinde shyǵyndardy óteýge qarjy qarastyrylǵan. Statıstıkalyq derekterge súıensek, mal sharýashylyǵy oń qarqynmen ósip keledi. Osy oraıda mal sharýashylyǵy azyq-túlik qaýipsizdiginiń mańyzdy elementi ekenin de aıta ketken jón», dedi Úkimet Іbasshysy.

Onyń dereginshe, áleýmettik mańyzy bar 19 óniminiń tórteýi ımportqa táýeldi. Olar – qus eti, shujyq, sút jáne sút ónimderi.

«Sondyqtan bul salada jumys isteımin degenderge úlken múmkindik bar. Bizdiń aldymyzda turǵan asa mańyzdy mindet – osy ónim túrlerin shyǵarýda otandyq óndirýshilerdiń úlesin 100 paıyzǵa deıin arttyrý. Ásirese, shıkizatty tereń óńdeý jobalaryn iske asyrýǵa basa nazar aýdaryp, syrtqy naryqtarǵa shyǵýdy da eskerý qajet», dedi Álıhan Smaıylov.


Joǵary qaraı