Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Imanbek týyndysy 1 mlrd márte tyńdalǵany úshin Spotify syılyǵyn jeńip aldy

2022 jyldyń 18 qańtar 2022 08:18

NUR-SULTAN. QazAqparat - Qazaqstandyq dıdjeı Imanbek Spotify servısiniń arnaıy syılyǵyna ıe boldy, dep habarlaıdy QazAqparat.

Resýrstyń baspasóz qyzmeti taratqan málimetke sensek, Imanbek - TMD boıynsha tregi 1 mlrd-tan asa márte tyńdalǵan tuńǵysh mýzykant. Ol bul mejege ótken jyldyń qazan aıynda jetken.

Onyń Roses-Imanbek Remix atty áýenin tyńdaǵandar sany búginde álem boıynsha 1,5 mıllıardtan asyp ketti.

Mýzyka servısi dıdjeıdi quttyqtap, syılyqty tabystady.

«Artısti osyndaı iri jetistikpen jáne klýbqa qosylýymen quttyqtaımyz. I is for Imanbek!» delingen habarlamada.

Osylaısha Imanbek Billions Club-qa qosyldy. Onyń pleılıst boıynsha «kórshileri» - Bıllı Aılısh, Trevıs Skott, Adel jáne basqa álemdik ataqty mýzykanttar.

Munyń aldynda Spotify-dyń dál osy marapaty kanadalyq reper Dreık, norveg dıdjeıi Kygo jáne brıtan ánshisi Dýa Lıpaǵa tapsyrylǵan edi.




Aıta keteıik, atalǵan remıksimen álemdik mýzyka charttarynda qara úzip alǵa shyqqan Imanbek Zeıkenov án árleýdi jergilikti dıdjeıler men prodıýserlerden jáne Youtube jelisindegi vıdeosabaqtan úırengen.

2019 jyldyń jazynda Imanbek Saint Jhn atty reperdiń Roses atty ánin taýyp, soǵan remıks jazýdy qolǵa alady.

Bul kompozıtsııa úsh jyl buryn shyǵyp qoıǵan bolatyn. Imanbek ánge remıks jazyp, ony áleýmettik jelige jarııalady. Arada birneshe aı ótkende ol pop juldyzǵa aınaldy.

Ótken jyly qazaqstandyq mýzykanttyń Roses ánine jazylǵan remıksi Grammy syılyǵyn jeńip aldy.


Avtor Janat Qapalbaeva
Basty sózder: Mádenıet, Óner,
Joǵary qaraı