Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Imanbek ózine eskertkish ornatý týraly qaýesetke jaýap berdi

2021 jyldyń 26 qyrkúıek 2021 13:08

PAVLODAR. QazAqparat - «Gremmı» syılyǵynyń ıegeri Imanbek Zeıkenov ózine eskertkish ornatýǵa qatysty qaýesetke pikir bildirdi, dep habarlaıdy Pavlodarnews.kz.

Dıdjeı áleýmettik jelidegi paraqshasynda tikeleı efırge shyǵyp, ózine eskertkish ornatqaly jatqany týraly qaýesetti joqqa shyǵardy.

Aıta keteıik, BAQ-ta Imanbekke eskertkish ornatqaly jatqany týraly aqparat taraǵan bolatyn.

«Bir aı buryn maǵan Aqsýdaǵy saıabaqta nemese jaǵalaýda Gremmı, syılyǵynyń músinin ornatý týraly usynys jasaldy»,- dedi Imanbek Zeıkenov.

Belgili mýzykant oǵan qarsylyq bildirmegen. «Tilshiler sózdi buryp jibergen. Endi adamdar men ózime eskertkish ornatýdy surady dep oılaýda. Men ondaı adam emespin. Ózińe eskertkish ornatýdy suraý — naǵyz betsizdik dep sanaımyn»,- dedi mýzykant.

Eske salaıyq, Imanbek Zeıkenov 2021 jyldyń naýryz aıynda «Roses» ánine jasaǵan remıksi úshin álemdik «Gremmı» syılyǵyn jeńip aldy.
Ol TMD elderi arasynda bul syılyqty ıelengen alǵashqy adam.

Sonymen qatar QR Prezıdenti «Imanbektiń jetistigi – búkil TMD úshin teńdesi joq tabys» dedi.



Basty sózder: Qoǵam, Pavlodar oblysy,
Joǵary qaraı