Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Imanbek: Meni heıterlerden qazaq baýyrlarym qorǵap júr

2021 jyldyń 6 sáýir 2021 19:14

NUR-SULTAN. QazAqparat – Gremmı ıegeri Imanbek Zeıkenov óziniń reseılik menedjerimen birge «Po stýdııam» YouTube arnasyna suhbat berdi, dep habarlaıdy QazAqparat tilshisi.

Atalmysh arnaǵa Imanbek osydan 2 jyl buryn suhbat bergen eken. Bul joly menedjeri Kırıll Dzham-men birge Gremmı ıegeri retinde keńinen kósilip áńgime órbitti.

Imanbek Gremmıdi alyp, Máskeýden Aqsýǵa qaıtqanda jergilikti ákimdikten qashan jáne qalaı keletinin jasyrǵanyn adamdardyń toptasyp, qarbalasqanyn qalamaýymen túsindirdi. Degenmen jergilikti atqaminerler ony jankúıerlermen beıresmı kezdesýge shaqyryp, sol jerde 3 mln teńgeniń sertıfkatyn tapsyrǵan bolatyn.

«Bir sertıfıkatta 2 mln, bir sertıfkatta 1 mln teńge boldy. Men 2 mln teńgeniń jartysyn Aqsýdaǵy eriktiler klýbyna berdim. Taǵy 1 mln teńgeni basqa klýbqa tabystadym. Qalǵan 1 mln teńge áli túsken joq. Ony endi ózim paıdalansam dep otyrmyn. Negizi ol aqshany men mańdaı terimmen tapqan joqpyn. Bul bonýstyq aqsha. Sondyqtan ony ózgelerge berýden aıamadym», - deıdi mýzykant.

«Kóshsem, astanaǵa baram»

Imanbek tanymaldyǵy artqandyqtan ınternette ózin jaqtaýshylar men dattaýshylardyń toby paıda bolǵanyn atap ótti.

«O basta árbir heıterge jaýap berýge tyrysatynmyn. Qazir olarǵa jaýap berýge, bir jaǵynan, ýaqyt joq. Ekinshi jaǵynan, meniń jaqtastarym ózderi-aq qorǵap alady. Negizinen olar qazaq baýyrlarym. Qazaqtar kúsh qoı», -dedi Gremmı ıegeri.

Gremmı demekshi, bul júldeniń akademııalyq salmaǵy úlken bolǵanymen, aqshalaı syıaqysy joq eken. Biraq sol júldeniń bedeliniń arqasynda qazir qazaqstandyq mýzykantqa túrli usynystar túsip jatqan kórinedi. Kırıldiń aıtýynsha, Gremmı kúısandyǵy áli qoldaryna tımepti. Ony Gremmı uıymdastyrýshylarmen arnaıy kelisimshart jasasqan logıstıkalyq kompanııa jetkizip berýi tıis.

Suhbat barysynda Imanbek Gremmı júldesin alǵannan beri qajettilik te, tabys ta artqanyn aıtyp qaldy. Áli de Aqsý qalasynan kóshpegenin, eger úlken qalaǵa qonys aýdarý kerek bolsa, Nur-Sultandy tańdaıtynyn taǵy bir eske salyp ótti.

«Bıznes ashý týraly jospar joq. Ázirge ol armanym desem durys bolatyn shyǵar. Mindetti túrde meıramhana bolmaýy da múmkin. Kólik jýatyn oryn ashsam degen oı kele beredi. Jalpy ózim kólikpen alysqandy jaqsy kóremin», - deıdi Imanbek Zeıkenov.

Temirjolshy jigittiń talantyn búkil álemge pash etken Roses sazynyń avtory Imanbekke taǵy bir ánniń remıksin jazǵyzǵan eken. Biraq ekinshi trek olarǵa unamaǵan. Al qazir reseılik menedjermen birge tanymal degen reperlerdiń talaıymen túrli kelisimsharttar jasasqan.

«Men alǵashqy kelisimsharttyń aktilerin kórgen kezde-aq jumystan shyǵý týraly ótinish jazdym. Ondaǵy soma meniń sol kezdegi aılyǵymnan 20 ese kóp bolatyn. Bul 2019 jyldyń jeltoqsany bolatyn», - deıdi otandasymyz.

Imanbek sheteldik mýzykanttarmen birge tanymal qazaqstandyq reperlerdi de jibermeı tyńdaıtynyn aıtty.

«Skrıptonıttiń eski ánderin ǵana tyńdaımyn deýge bolady. Pavlodarda júrip jazǵandary erekshe unaıdy. Burynǵy stıli jaqsyraq sııaqty maǵan. Jańa stıldegi ánderinen unaıtyny sırek. Limba, Jah Khalib, HiRo Sima, Irına Qaıratovna jáne t.b. Qaı-qaısysy da ónerli balalar ǵoı. Skrıptonıtten basqasynyń bárimen baılanysym bar», - deıdi ol.

Imanbektiń juldyzyn jaqqan - Volfgang Boss

Suhbatqa qosylǵan Kırıll Dzham Imanbektiń talantyn eń alǵash germanııalyq mýzyka menedjeri tanyǵanyn eske aldy. Tipti sol adamnyń tabandylyǵy bolmasa, Kırıll Imanbekpen kelisimshart jasaspaýy da múmkin eken.

«Eń basynda Imanbektiń remıksi Reseı «shazamynda» kúrt kóterile bastady. Tipti dúmpý týǵyzdy deýge bolady. «Vkontakte» jelisinen bólek Youtube-tegi beıresmı remıksterdi jarııalaıtyn kanaldardyń bári salyp jatty. Bir kúni maǵan Sony Music Entertainment kompanııasynyń A&R prezıdenti Volfgang Boss habarlasty. Álemdik hıttermen aınalysatyn bilikti adam. Buǵan deıin de birneshe ret án almasqan bolatynbyz. Sol habarlasyp, myna remıksti qarashy dep ótinish aıtty. Men Imanbektiń birneshe remıskterin kezdestirgenimdi, al myna dúnıesi shynymen kóterilip kele jatqanyn aıttym da, sol kúıi umytyp kettik. Bul 2019 jyldyń maýsym aıy bolatyn. Eki apta ótkende Volfang taǵy habarlasty.

«Kırıll, myna trek Reseı shazamynyń alǵashqy elýligine kiripti ǵoı kórdiń be», - deıdi. «Kórdim. Onyń ústine bul Saint John-nyń sazy ǵoı. Onyń eń qaltaly prodıýserlik ortalyqtardyń birimen kelisimsharty bar shyǵar. Bizge ruqsat bere qoımas. Avtordyń ruqsatynsyz alysqa barmaımyz ǵoı» degen ýáj aıttym. Tamyzda Volfgang maǵan taǵy qońyraý shaldy. «Ne isteseń de, ana trekti jazyńdarshy» dep ótindi. Dereý Imanbekke jazdym. Tabý qıyn bolǵan joq. Birden til tabystyq. Maǵan deıin usynys jasaǵandardyń sharty Imanbekke unamapty. Rasymen de sol kezde kelise salsa, qazir bul trek basqa bireýdiń atynda keter me edi, kim bilsin. Al men oǵan 50/50 prıtsıpi boıynsha kelisimshart usyndym. Qujatqa qol qoıǵannan keıin Eýropaǵa habarlasyp, «Sizder Imanbektiń zańdy ókilimen sóılesip tursyzdar» dedim. Osydan bastap Imanbekke kelisimshart usynýshylar biz qoıǵan talaptar boıynsha jumys istep keledi. Usynys berýshilerdiń býhgalterııasynyń bári ashyq bolýy kerektigin, tólem shemasy túsinikti bolǵanyn qatty qadaǵalaımyz», - deıdi Kırıll.

«Targetsiz-aq tanyldyq»

Mýzyka menedjeri Imanbekti Gremmı júldesine ilgeriletý úshin múlde shyǵyn jumsamaǵanyn aıtady.

«Іlgeriletýge aqsha ketken joq deýge bolady. Tek kúsh jumsadyq. Remıksti Angııanyń radıosyna shyǵarýda eýropalyq seriktesterimiz úlken eńbek etti. Anglııada radıoǵa mundaı remıks oınatý múmkin emes deýge bolady. Germanııa men Frantsııada da eýropalyq áriptester myqty jumys istedi. Target, SMM degendi múlde qoldanǵan joqpyz. Bar bolǵany klıp qana túsirdik. Trekten túsken tabystyń qasynda onyń shyǵyny eleýge de turmaıdy», - dep aǵynan jaryldy.

Suhbat sońynda Imanbek óziniń tanymaldyǵy artqan saıyn jańa «dostar» men «týystar» kóbeıip ketkenin aıtyp kúldi.

«Odan qashyp qutylý múmkin emes shyǵar. Biraq bul óte jaǵymsyz áser etedi eken. Kóbiniń aıtatyny sol «Meni kótermelep jibershi. Bir balabaqshada tárbıelenip edik qoı» degen sııaqty áńgime», - deıdi mýzykant.

Kırıldiń aıtýynsha, qazir menedjerlik top Imanbektiń atyn taýarlyq belgi retinde tirketýge kúsh salyp jatyr. Óıtpese, jalǵan Imanbekter kóbeıip, jalpy ımıdj ben repýtatsııaǵa keri áser etýi múmkin.

Devıd Getta, Rita Ora, Usher Raymond, Marshmello, Trevor Denıel, Don Diablo, Torı Leınz, Afrojack, Dııter Bolen, Shon Pol Raıan Fransıs, Martin Jansen. Qazir Imanbek álem mýzykasynyń osyndaı juldyzdarymen qanattasyp jumys istep júr.

«Bulardyń jartysy Imanbektiń ózine shyqsa, jartysy meniń eski tanystarym arqyly kelisimshartqa otyrdy deýge bolady. Amerıkalyqtarmen sýperjoba jasap jatyrmyz. Shon Polmen birge jazǵan bir remıks jýyqta shyǵýy kerek. Jazda LP-men ( Laura Pergolizzi)jazǵan relız shyǵady. Rita Ora-nyń ókilderi birinshi ózderi jazdy. Oǵan jazǵan trek te jazda shyǵady. Bomba, hıt bolaıyn dep tur», - dedi Kırıll.


Avtor Esimjan Naqtybaı
Basty sózder: Óner, Mádenıet, Qoǵam,
Joǵary qaraı