Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Іlııas Esenberlınniń 6 tomdyq shyǵarmalar jınaǵy jaryq kórdi

2021 jyldyń 16 qyrkúıek 2021 04:36

NUR-SULTAN. QazAqparat - El Táýelsizdiginiń 30 jyldyǵyna oraı kórnekti jazýshy, ekinshi dúnıejúzilik soǵystyń ardageri, qazaq ádebıeti tarıhynda búginge deıin eń kóp roman (17) jazǵan jazýshy Іlııas Esenberlınniń 6 tomdyq shyǵarmalar jınaǵy jaryq kórdi, dep habarlaıdy QazAqparat QR Mádenıet jáne sport mınıstrliginiń baspasóz qyzmetine silteme jasap.

Jınaqqa jazýshynyń barlyq shyǵarmasy kirdi. Endi kez kelgen oqyrman «Kóshpendiler», «Altyn Orda» syndy tarıhı epopeıamen qatar keńes úkimeti kezinde jaryq kórgen eńbekterdi qazaq jáne orys tilinde oqı alady.

Memleket basshysy Qasym-Jomart Toqaev oqyrmandarǵa arnaǵan úndeýinde Іlııas Esenberlınniń eńbekterin tereń zertteýsiz qazaq tarıhyn bilý múmkin emes ekenin atap ótti.

Jalpy Іlııas Esenberlınniń kóptomdyǵyn basyp shyǵarý – oqyrman qaýym úshin mańyzdy mádenı oqıǵa. Jazýshynyń shyǵarmalary elimizde ǵana emes, alys-jaqyn shet memleketterde de keńinen tanylǵan. Búginge deıin Іlııas Esenberlın kitaptary 7 mıllıon tırajben 30-dan astam tilge aýdaryldy. Bul bizdiń elimizdegi jazýshylardyń eńbekteri arasyndaǵy eń kóp taralym. Zerdeli tulǵa shyǵarmalarynyń tolyq jınaǵy bizdiń tarıhı jadymyzdy jańǵyrtýǵa úles qosyp, jas urpaq arasynda týǵan elge degen súıispenshilik pen otansúıgishtikti arttyrýǵa septigin tıgizedi.

Tuńǵyp Prezıdent – Elbasy Nursultan Nazarbaev «Kóshpendiler» trılogııasyn «qazaq halqy ómiriniń entsıklopedııasy»-deı kele, jazýshy shyǵarmashylyǵyna joǵary baǵa bergen edi.


Joǵary qaraı