Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ІІM zańsyz saqtalǵan atys qarýy men oq-dárilerdi óz erkimen tapsyrý týraly úndeý jarııalady

2022 jyldyń 19 qańtar 2022 01:20

NUR-SULTAN. QazAqparat – ІІM zańsyz saqtalǵan atys qarýy men oq-dárilerdi óz erkimen tapsyrý týraly úndeý jarııalady, dep habarlaıdy Polisia.kz.

Eldegi jappaı tártipsizdikter barysynda qarý-jaraq dúkenderinen, quqyq qorǵaý jáne arnaıy organdardyń ǵımarattarynan qylmyskerler atys qarýy men oq-dárilerdi urlady.

Urlanǵan qarý men oq-dáriler zańsyz maqsattar úshin paıdalanýy múmkin, sondaı-aq azamattardyń ómiri men densaýlyǵyna qaýip tóndiredi. Qarý men oq-dárilerdi zańsyz saqtaǵany úshin qylmystyq (QK 287-baby – 5 jylǵa deıin bas bostandyǵynan aıyrý) jáne ákimshilik (QR ÁQBtK 482-baby-25 AEK aıyppul) jaýapkershilik kózdelgenin qaperlerińizge salamyz.


Zańsyz saqtalǵan qarýdy, oq-dárilerdi jáne jarylǵysh zattardy óz erkimen tapsyrǵan adamdar, eger olardyń is-áreketterinde ózge qylmystar quramy bolmasa, qylmystyq jáne ákimshilik jaýapkershilikten bosatylady.

Osyǵan baılanysty ІІM azamattardy zańsyz saqtalǵan qarýdy, oq-dárilerdi, jarylǵysh zattardy jáne arnaıy quraldardy óz erkimen tapsyrýǵa shaqyrady.

Jazataıym oqıǵalardyń aldyn alý jáne jaraqattan saqtandyrý maqsatynda tabylǵan jarylǵysh materıaldarmen jáne oq-dárilermen qandaı da bir áreketter jasamaýdy, olardy tasymaldaýǵa tyryspaýdy, bul týraly polıtsııaǵa 102 nemese 112 telefondary boıynsha habarlaýdy suraımyz.

ІІM júrgizilip jatqan osyndaı sharalarǵa halyq túsinistikpen qarap, qoldaý bildiredi dep senedi.

Basty sózder: Qoǵam, QR ІІM,
Joǵary qaraı