Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ІІM: Qoǵamdyq baqylaý komıssııalary qylmystyq atqarý júıesiniń barlyq mekemelerine kedergisiz kire alady

2022 jyldyń 24 qańtar 2022 12:03

NUR-SULTAN. QazAqparat – Qańtardyń basyndaǵy tártipsizdikterge baılanysty ustalǵandardyń quqyǵyn qorǵaý úshin qurylǵan qoǵamdyq baqylaý komıssııalarynyń ókilderi qylmystyq atqarý júıesiniń barlyq mekemelerine kedergisiz kire alady. Іshki ister mınıstrliginiń resmı ókili Nurdildá Oraz onlaın brıfıngide osylaı aıtty, dep habarlaıdy QazAqparat tilshisi.

«Jappaı tártipsizdik barysyndaǵy qylmystary úshin qylmystyq atqarý júıesiniń mekemelerine 731 adam jetkizildi. Onyń ishinde 20-sy sottar jáne prokýrtýra organdarynyń sheshimimen úıqamaqqa alýǵa nemese eshqaıda ketpeý týraly qolhatqa aýystyryldy. Qazirgi ýaqytta tergeý ızolıatorynda 711 adam bar. Olardyń bári sottardyń sanktsııalary negizinde ustalǵan», - dedi resmı ókil.

Sonymen birge, ol azamattar quzyrly organdar shyǵarǵan bultartpaý sharasymen kelispegen jaǵdaıda prokýratýra organdaryna júgine alatynyn eske saldy.

«Aıta ketý kerek, Ulttyq aldyn alý tetigi men qoǵamdyq baqylaý komısııalary ókilderiniń qylmystyq atqarý júıesiniń barlyq mekemelerinde kedergisiz kirý múmkindigi bar.

Bul rette advokattardy óz qorǵaýshylaryna jiberý jáne sálemdemelerdi berý ádettegi rejımde júzege asyrylady. Barlyq óńirlerdiń koronavıýrs ınfektsııalarymen syrqattaný deńgeıi boıynsha «qyzyl» aımaqta ornalasqanyn eskere otyryp, sanıtarlyq-epıdemıologııalyq is-sharalar qatań saqtalady. ІІM Qylmystyq atqarý júıesi komıtetinde jáne óńirlik departamentterdiń bárinde Call-ortalyqtar uımydastyrylǵan. Osy ortalyqqa tergeýdegi adamdar jaıynda jáne basqa da máseleler týraly aqparat alý úshin júginýge bolady. Call-ortalyqtar advokattar da habarlasa alady», - dedi Nurdildá Oraz.


Joǵary qaraı