Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

IIDM: Kábil ónimderi men júk tartqyshtardyń ýtılızatsııalyq alymyn alyp tastaý máselesi qarastyrylyp jatyr

2022 jyldyń 24 qańtar 2022 20:58

NUR-SULTAN. QazAqparat – QR Indýstrııa jáne ınfraqurylymdyq damý mınıstrligi kábil ónimderi men júk tartqyshtardyń ýtılızatsııalyq alymyn alyp tastaý máselesin qarastyrýǵa daıyn. Bul týraly vıtse-mınıstr Marat Qarabaev «Habar» telearnasyndaǵy «Bolshaıa nedelıa» baǵdarlamasynda aıtty, dep habarlaıdy QazAqparat tilshisi.

«Prezıdent bul másele boıynsha eki baǵytta tapsyrma berdi. Birinshisi – óndirýshilerdiń keńeıtilgen mindettemelerin (budan bylaı ÓKM – red.) memlekettik organ arqyly retteý. Ol tapsyrma oryndalyp qoıdy. Qazir ÓKM tolyǵymen 100 paıyz memlekettik uıym bolyp sanalatyn «Jasyl damýǵa» berildi. Juma kúni bıznes jáne qoǵam ókilderimen, belsendilermen kezdesý boldy. Sol kezdesýde Ekologııa mınıstri Brekeshev myrza ÓKM «Jasyl damýǵa» berilgenin, al ol memlekettik organ ekenin aıtty. Bul Memleket basyshysy bergen tapsyrmanyń birinshi bóligi bolatyn», - dedi mınıstrlik ókili.

Vedomstvo basshysynyń orynbasary ýtılızatsııalyq alym mólsherlemeleri boıynsha túrli pikir bar ekenin, talqylaý barysynda bári eskeriletinin atady.

«Prezıdent tapsyrmasynyń ekinshi bóligi de oryndala bastady. Ýtılızatsııalyq alym mólsherlemesin qaıta qaraý kerek bolǵan. Bul másele boıynsha jumys tobyn qurdyq. 100-deı adam juma kúni júzdesti. Endi kelesi aptada sektor boıynsha kezdesýler ótedi. ıAǵnı, kábil ónimderin kádege jaratý alymynyń mólsheri boıynsha bólek, avtomobıl alymynyń mólsheri boıynsha bólek, aýyl sharýashylyǵy tehnıkasynyń alymy boıynsha bólek, júktartqyshtar alymy boıynsha bólek kezdesýler ótedi.

Alym mólsheri qaıta qaraý boıynsha túrli pikirler bar. Kábil ónimderin kádege jaratý alymyn 0 teńgege deıin túsirý usynysy aıtyldy. Ony da qarastyramyz. Halyqaralyq júk tasymalymen aınalysatyndardyń da usynysy bar. 2025 jyly bizdegi júk tasymaly naryǵyna EAEO tasymaldaýshylary da kiredi. Osy kezeńge deıin júk tartqysh tehnıkalardyń ýtılızatsııalyq alymyn tolyqtaı alyp tastaý usynylýda. Sonda kábil ónimderi men júk tartqyshtardyń ýtılızatsııalyq alymyn alyp tastaý máselesin qarastyryp jatyrmyz. Árıne, eshkim birjaqty sheshim shyǵarǵaly jatqan joq. Belsendiler men qoǵam ókilderiniń pikirin eskere otyryp, óndirýshiler men operatorlardy tarta otyryp sheshim qabyldanady», - dedi Marat Qarabaev.


Joǵary qaraı