Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Hokkeı: «Barys» pleı-offtyń alǵashqy oıynynda «Metallýrgten» jeńildi

2021 jyldyń 2 naýryz 2021 22:44

NUR-SULTAN. QazAqparat - Qurlyqtyq hokkeı lıgasynyń pleı-off satysynda elordalyq «Barys» búgin Reseıde «Metallýrg» (Magnıtogorsk) komandasymen alǵashqy oıynyn ótkizdi, dep habarlaıdy QazAqparat tilshisi.

Búgingi oıyn tartysty órbidi. Alǵashqy eki kezeńniń ózinde komandalar bir-biriniń qaqpasyna toǵyz shaıba soqty.

Esepti nebári 37-sekýndta «Metallýrg» hokkeıshisi Egor Korobkın soqqan bolatyn. Budan keıin «Barys» sapynan Kırıl Panıýkov 5, Roman Starchenko 13, Darren Dıts 15-mınýttarda úsh shaıba soǵyp ketti.

Ekinshi kezeńde reseılik komandanyń basymdyǵy baıqaldy. Olar qatarynan tórt shaıba soǵyp, esepte alǵa shyqty. Bul goldardy Egor ıAkovlev 21, Sergeı Mızıakın 26, Nıkolaı Goldobın 28, 33-mınýttarda óziniń enshisine jazdy. Oǵan «Barys» sapynan Fıl Varone 36-mınýtta jalǵyz shaıbamen jaýap qaıyrdy.

«Metallýrg» hokkeıshileri Egor ıAkovlev 52, Nıkolaı Prohorkın 53-mınýttarda mergendik tanytty. Oıynda «Barys» qarsylasyna 4:7 esebimen ese jiberdi.

Jarys talaby boıynsha pleı-off kezeńiniń shırek fınalynda eki komandanyń bireýi tórt jeńiske jetkenge deıin sozylady.

Endi «Barys» Magnıtogorskide 4 naýryzda taǵy bir oıyn ótkizedi. Al 6 jáne 8 naýryz kúnderi komandalar elordada sheberlik baıqasady. Qajet bolǵan jaǵdaıda qosymsha oıyndar 10, 12, 14 naýryz kúnderi ótkiziledi.

Aıta keterligi, «Barys» qurlyq hokkeı lıgasyna bıyl 13 márte qatysty. Sonyń on birinde pleı-off satysynda baq synady. 2014, 2017, 2019, 2020 jyldarda jarystyń ekinshi kezeńine shyqty.


Avtor Ádiljan Úmbet
Basty sózder: Sport,
Joǵary qaraı