HQO aqparattyq júıesi kidirispen jumys istep tur

NUR-SULTAN. QazAqparat – Turǵyndarǵa memlekettik qyzmet kórsetý protsesinde qoldanylatyn aqparattyq júıeler kidirispen jumys isteýde, dep habarlaıdy QazAqparat «Azamattarǵa arnalǵan úkimet» kommertsııalyq emes aktsıonerlik qoǵamynyń baspasóz qyzmetine silteme jasap.

«Qyzmet alýshylardyń nazaryna! Búgin turǵyndarǵa memlekettik qyzmet kórsetý protsesinde jumyldyrylǵan bólek aqparattyq júıeler kidirispen jumys istep jatyr. Osyǵan baılanysty, azamattardyń HQO men avtokólik ıelerine arnalǵan mamandandyrylǵan HQO-ǵa adamdar kóptep jınalyp qaldy. Qazirgi kezde «Ulttyq aqparattyq júıeler» AQ mamandary tehnıkalyq aqaýlardy joıýmen aınalysyp jatyr. Árbir azamatqa sabyr saqtaýdy, halyq kóp jınalatyn oryndardan alys júrip, múmkindiginshe memlekettik qyzmet túrlerin onlaın alýyn suraımyz», - delingen habarlamada.