Aýa raıy
Astana 17 °S
Almaty 19 °S
valıýta baǵamy
USD 411.66
EUR 465.92
RUB 5.81
CNY 58.79

HQKO qyzmetkerleriniń jalaqysy 30 paıyzǵa ósedi

2019 jyldyń 11 qarasha 2019 19:03

NUR-SULTAN. QazAqparat - Elimizdiń Halyqqa qyzmet kórsetý ortalyqtary qyzmetkerleriniń jalaqysy 30 paıyzǵa ósedi. Bul jaıynda QR Tsıfrlyq damý jáne aeroǵarysh ónerkásibi mınıstri Asqar Jumaǵalıev facebook-tegi paraqshasynda jazdy, dep habarlaıdy QazAqparat.

«Bizdiń HQKO qyzmetkerleriniń jalaqysyn kóterý týraly usynysymyz jaqynda qoldaý tapty. Bul memlekettik qyzmet kórsetý salasy úshin mańyzdy qadam dep esepteımin. Osy sheshimdi qoldaǵany úshin el basshylyǵy men parlamentarııge rızashylyǵymdy bildiremin. Memlekettik korporatsııanyń Halyqqa qyzmet kórsetý ortalyqtaryndaǵy operatorlar, óz kezeginde memlekettiń ókili retinde memlekettik qyzmetterdi kórsetýde kúnbe-kún turǵyndarmen jumys isteıdi. Keıbireýler úshin bul jańalyq bolýy múmkin. Biraq, 648 túrli qyzmet kórsetýdiń qyr-syryn meńgergen ınspektorlardyń jalaqysy 70 myń teńge. Árıne, óte az. Kadrlardyń turaqtamaýy, bos jumys oryndarynyń kóptigi, kadr tapshylyǵy osydan týyndaıdy», - dep jazdy mınıstr.

Onyń atap ótýinshe, osy aıdan bastap respýblıka boıynsha HQKO-daǵy 8500 qyzmetkerdiń jalaqysy 30 paıyzǵa ósedi. Sonymen qatar, memlekettik qyzmet kórsetý sapasyna qoıylatyn talaptar da artady.

«Osy oraıda, Memlekettik korporatsııaǵa (Azamattarǵa arnalǵan úkimet/ Pravıtelstvo dlıa grajdan) »qupııa satyp alýshy« tásilimen fılıaldardyń jumysyna taldaý júrgizý tájirıbesin qaıta qolǵa alýdy tapsyrdym»,- dedi Asqar Jumaǵalıev.

Joǵary qaraı