Aýa raıy
Astana 8 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

HQKO-da «jeńildik terezesi» arqyly 102 myń qazaqstandyqqa qyzmet kórsetildi

2020 jyldyń 31 shilde 2020 10:12

QOSTANAI. QazAqparat – Karantın kezinde 4 myńnan astam qostanaılyqqa halyqqa qyzmet kórsetý ortalyǵynyń jeńildik terezesi arqyly memlekettik qyzmet kórsetildi, dep habarlaıdy QazAqparat.

Qostanaı oblysy ákimdiginiń janyndaǵy Tótenshe jaǵdaı tártibin qamtamasyz etý jónindegi shtab sheshimimen aımaq HQKO-larynda «jeńildik terezesi» jumys isteı bastaǵan-dy. Bul zeınetkerler, múgedekter men kóp balaly otbasylar úshin uıymdastyrylǵan. «Jeńildik terezesine» mindetti túrde onlaın túrde kezekke turasyz, ýaqytyn aldyn ala brondaý qajet.

«Tótenshe jaǵdaı rejımi kezinde Halyqqa qyzmet kórsetý ortalyǵy jumystyń jańa formatyna kóshti. Qazirgi kúni memlekettik qyzmetterdiń 80 paıyzy elektrondy túrde qoljetimdi. Azamattardyń úsh sanaty (zeınetkerler, kópbalaly otbasylar men múgedekter) burynǵydaı HQKO-da elektrondyq qyzmetterdi ala alady. Ár front-ofıste olar úshin «jeńildik terezeleri» uıymdastyrylǵan. Qazir bul qyzmetke suranys artqan. Jeńildik terezesine onlaın túrde kezek ýaqytyn aldyn ala brondaý egov.kz portaly, nemese 1414 baılanys ortalyǵy arqyly iske asady. Brondaý servısiniń qyzmeti jetildirilgen. Kóp ýaqytty almaıdy», delingen «Azamattarǵa arnalǵan úkimet» MK baspasóz habarlamasynda.

Jalpy, karantın shekteýleri aıasynda jumysyn qaıta bastaǵan HQKO-lardaǵy jeńildik terezesi arqyly 102 myń qazaqstandyqqa qyzmet kórsetilgen.


Joǵary qaraı