Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Halyqtyń tabysyn arttyrý baǵdarlamasy ázirlenedi - UEM

2022 jyldyń 12 qańtar 2022 08:57

NUR-SULTAN. QazAqparat – Halyqtyń tabysyn arttyrý baǵdarlamasy ázirlenedi. Bul týraly Úkimet otyrysynda Ulttyq ekonomıka mınıstri Álibek Qýantyrov aıtty, dep habarlaıdy QazAqparat tilshisi.

Onyń atap ótýinshe, halyqtyń tabysyn arttyrý baǵdarlamasyn qalyptastyrý úshin memlekettik organdarmen ınflıatsııany tejeý, jumyspen qamtýdy qamtamasyz etý, azamattardyń jekelegen sanataryna jalaqyny arttyrý jáne basqa da is-sharalardy qamtıtyn máselelerdi pysyqtaý usynylady.

«Bızneske júktemeni túbegeıli tómendetý máselesinde kásipkerlik qyzmet salasynda jańa retteýshilik saıasatty engizý máseleleri boıynsha zańdy iske asyrý aıasynda memlekettik retteýdiń búkil massıvin tolyq qaıta qaraý júrgiziletin bolady», - dedi mınıstr.

Álibek Qýantyrov bıýdjettiń kiris bóligin nyǵaıtý úshin birinshiden, taý-ken sektorynan qosymsha túsimder alý kózdeletindigin aıtady.

«Baǵa konıýnktýrasyna baılanystyra otyryp, barlyq qatty paıdaly qazbalar boıynsha paıdaly qazbalardy óndirýge salynatyn salyqtyń qosymsha mólsherin esepteý tetigin belgileý usynylady. Ekinshiden, munaı ónimderin óndirýshiler men jetkizýshiler tizbeginen marjanyń bir bóligin alý», - dedi ol.

Mınıstr ınvestıtsııalyq tartymdylyqty qalpyna keltirý úshin osy jyldyń aqpan aıynda 2025 jylǵa deıingi ınvestıtsııalyq saıasat tujyrymdamasyn qabyldaý josparlanyp otyrǵandyǵyn atap ótti.

«Onyń aıasynda ınvestıtsııalar tartý saıasaty ESG, jahandyq energetıkalyq jáne tehnologııalyq kóshý talaptaryn eskere otyryp, qaıta qaralatyn bolady», - dedi Álibek Qýantyrov.


Joǵary qaraı