Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Halyqtyń bılik ınstıtýttaryna senimin nyǵaıtý úshin ne isteý kerek – sarapshy pikiri

2022 jyldyń 17 qańtar 2022 21:51

NUR-SULTAN. QazAqparat – Quqyq qorǵaý jáne basqa da memlekettik qurylymdardyń halyqpen baılanys ornatý jedeldigin arttyrý qajet. Bul týraly «Adam quqyqtary jónindegi hartııa» qoǵamdyq qorynyń basshysy, Ulttyq qoǵamdyq senim keńesiniń múshesi Jemis Turmaǵambetova aıtty, dep habarlaıdy QazAqparat.

Spıker atap ótkendeı, bul kúnderi turǵyndardyń quqyq qorǵaý organdary men sottardyń is-áreketteri týraly aqparatqa qol jetkizýin qamtamasyz etý mańyzdy.

«Quqyq qorǵaý jáne basqa da memlekettik qurylymdardyń halyqpen qarym-qatynas ornatý jedeldigi men sapasyn arttyrý qajet. Mysaly, ortalyq jáne óńirlik deńgeıde apta saıyn teledıdar men áleýmettik jelilerge «Siz shaǵymdandyńyz – biz jaýap beremiz» degen sııaqty 10 mınýttyq efır engizý kerek. Qarapaıym tilmen, qasańdyqqa jol bermeı, koll-ortalyqtarǵa, BAQ jáne áleýmettik jelilerde shaǵymdar men tekserý nátıjeleri týraly aıtyp berý kerek», - dedi J. Turmaǵambetova Ortalyq kommýnıkatsııalar qyzmetinde ótken baspasóz máslıhatynda.

Sonymen birge, J. Turmaǵambetova azamattar úshin quqyq qorǵaý máseleleri, atap aıtqanda, quqyqtyq kómek pen konsýltatsııalar boıynsha jedel jelilerdi barynsha qamtamasyz etý qajettigin atap ótti:

- qujattaý, aqparatty jınaý jáne óńdeý (vıdeo jáne aýdıo, jýrnalıster men kýágerlerdiń kýálikteri);

- ómir súrý quqyǵyn qamtamasyz etý;

- azaptaýdan jáne qatygezdikpen qaraýdan bostandyq quqyǵyn qamtamasyz etý;

- birinshi jaýap alǵansha óz tańdaýy boıynsha bilikti zań kómegine jáne advokatpen qupııa kezdesýge quqyqty qamtamasyz etý;

- qońyraý shalý quqyǵyn qamtamasyz etý (týystaryna ustalǵan adamnyń turǵan jeri týraly habarlaý);

- aqparatqa qol jetkizý quqyǵyn jáne jýrnalısterdiń quqyqtaryn qamtamasyz etý.

«Joǵaryda aıtylǵandardyń bárin halyqtyń memlekettik bılik ınstıtýttaryna degen senimin nyǵaıtý maqsatynda jasaý kerek. Oqıǵanyń sebebin obektıvti túrde anyqtaý, barlyq mán-jaıdy tekserý, bılik organdarynyń, quqyq qorǵaý organdarynyń, narazylyq aktsııasyna qatysýshylardyń is-áreketterin taldaý, tergeý jáne sot protsesteri barysynda irgeli quqyqtardy saqtaý bolashaqta osyndaı qaıǵyly oqıǵalardyń aldyn alýǵa kómektesedi», - dedi Jemis Turmaǵambetova.

Buǵan deıin Jemis Turmaǵambetova ákimshilik quqyqbuzýshylyqqa kinálilerdi qamaýǵa alýdyń ornyna balamaly jazalaý sharalaryn qoldanýdy usynǵan edi.


Joǵary qaraı