Aýa raıy
Astana -12 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Halyqty sýmen jabdyqtaý deńgeıi 92,6 paıyzǵa jetti

2020 jyldyń 27 qazan 2020 09:13

NUR-SULTAN. QazAqparat - Elimizde halyqty sýmen jabdyqtaý deńgeıi 92,6 paıyzǵa jetti. Bul týraly Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

«Elimizde 2000 jyldardan bastap halyqty aýyz sýmen jáne sý burý qyzmetimen qamtamasyz etý boıynsha maqsatty saıasat júrgizilip keledi. 20 jyl ishinde «Aýyz sý», «Aq bulaq», «Óńirlerdi damytý», «Nurly jol» baǵdarlamalary aıasynda 48,2 myń shaqyrym ınjenerlik jeli salyndy. Nátıjesinde halyqty sýmen jabdyqtaý deńgeıi 92,6 paıyzǵa jetti. Bıyl 2020-2025 jyldarǵa arnalǵan «Nurly jer» baǵdarlamasyn iske asyrýǵa kiristik. Osy baǵdarlama aıasynda 2025 jylǵa qaraı el halqyn tolyqtaı sapaly aýyz sýmen qamtamasyz etý mindeti tur«, - dedi mınıstr.

Onyń atap ótýinshe, Elbasy tapsyrmasyna saı aýyldardy sýmen jabdyqtaý júıesin damytýǵa jyl saıyn keminde 100 mlrd teńge qarajat bólinýde.

»Bıyl qalalar men aýyldarda sýmen jabdyqtaý jáne sý burý jelilerin damytýǵa respýblıkalyq bıýdjetten 113,6 mlrd teńge bólindi. 303 joba iske asyrylýda«, - dedi Beıbit Atamqulov.


Joǵary qaraı