Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

«Halyqqa kómek»: Qostanaıda konsýltatsııalyq ortalyq ashyldy

2020 jyldyń 7 aqpan 2020 15:46

QOSTANAI. QazAqparat – Qostanaı qalasyndaǵy «Zhas Otan» jastar qanatynyń konsýltatsııalyq ortalyǵy ashyldy, dep habarlaıdy QazAqparat.

Bul ortalyqta turǵyndar áleýmettik, turmystyq máseleler boıynsha saýaldaryna tegin jaýap ala alady. «Zhas Otan» jastar qanaty tóraǵasynyń orynbasary Aıkúnim Qasenniń sózinshe, qostanaılyqtar kóbine turǵyn úı baǵdarlamasy, jumyspen qamtý jáne medıtsınalyq saqtandyrýǵa qatysty suraqtarmen júginedi.

«Elbasy Nursultan Nazarbaev «Nur Otan» partııasynyń kezekti XVIII sezinde «Halyqqa kómek» jobasyn júzege asyrýdy tapsyrdy. Qazir osy joba aıasynda Qazaqstannyń túkpir-túkpirinde keńes ortalyqtary ashylyp jatyr. Sonyń birin biz de qolǵa aldyq. Eger qala turǵyndarynan suranys bolsa, mundaı ortalyq qalanyń basqa da oryndarynan ashylady. Basty maqsatymyz – halyqqa jaqyndaý, eldiń kádesine jaraý», - deıdi Aıkúnim Qasen.

Keńes ortalyǵy kúndizgi saǵat 11:00-den keshki 16:00-ge deıin jumys isteıdi. Bul jerde turǵyndar suraǵyna memlekettik mekeme qyzmetkerleri, áleýmettik sala mamandary jaýap beredi. Alǵashqy kúni ortalyqqa 30-ǵa jýyq adam keńes surap kelgen.


Joǵary qaraı