Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Halyqaralyq saýda erejesi kómirtek salyǵy saldarynan túbegeıli ózgeredi - Brekeshev

2021 jyldyń 13 qazan 2021 19:00

NUR-SULTAN. QazAqparat – Halyqaralyq saýda erejesi kómirtek salyǵy saldarynan túbegeıli ózgeredi. Mundaı pikirdi QR Ekologııa, geologııa jáne tabıǵı resýrstar mınıstri Serikqalı Brekeshev bildirdi, dep habarlaıdy QazAqparat tilishsi.

«Qazaqstan Respýblıkasy jahandyq temperatýranyń 2 gradýstan astam ósýine jol bermeý jónindegi Parıj kelisiminiń temperatýralyq maqsatyna qol jetkizý jolyndaǵy kúsh-jigerdi jandandyrý jáne menmendikti arttyrý jónindegi jahandyq kún tártibin tolyq qoldaıdy. Klımattyń ózgerýmen kúres álemdik ekonomıkalyq kún tártibin aýystyrady. Kómirtegi beıtaraptylyǵy maqsaty týraly málimdegen elderdiń sany jyl saıyn artyp keledi. Іri qarjy ınstıtýttary da kómirmen baılanysty jobalardan jasyl tehnologııalardyń paıdasyna tolyqtaı bas tartty», - dedi dedi ol «Parıj kelisiminiń maqsattaryna qol jetkizý joldary jáne Qazaqstannyń kómirtegi beıtaraptylyǵy» halyqaralyq konferentsııa barysynda.

Onyń atap ótýinshe, kómir salasyna ekonomıkalyq qysym kúsheıip keledi.

«CarbonTracker zertteýlerine sáıkes, 2015 jyldan bastap búkil álemde salynyp jatqan kómir elektr stansalarynyń sany 84 paıyzǵa kemigen. 2023 jyldan bastap eýropalyq odaq kómirtekqamtymdy ónimder ımportyna arnalǵan shekaralyq kómirtek salyǵyn engizýdi josparlap otyr. Bul halyqaralyq saýda erejesin túbegeıli ózgertedi», - dedi Serikqalı Brekeshev.


Joǵary qaraı