Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Halyqaralyq reısterdi shekteý «omıkronnyń» taralýyna áser etpeıdi – Almaz Sharman

2022 jyldyń 21 qańtar 2022 17:35

ALMATY. QazAqparat - QR Profılaktıkalyq medıtsına akademııasynyń prezıdenti Almaz Sharman koronavırýstyń «omıkron» shtamynyń órshýi kezinde halyqaralyq reısterdi shekteý máselesine qatysty aıtty, dep habarlaıdy QazAqparat tilshisi.

Professordyń aıtýynsha, «omıkronnyń» ózi koronavırýstyń óte juqpaly nusqasy bolyp tabylady.

«Halyqaralyq reısterdi shekteýmen indettiń taralýy azaımaıdy. Adam qaı elge, qalaı barsa da, ınfektsııanyń taralýy joǵary qarqynmen taraıdy. Sol sebepti bul turǵyda halyqaralyq reısterdi shekteý erekshe ról oınamaıdy.

Degenmen, Rojdestvo merekesine oraı demalystar qarsańynda Eýropada kúnine tórt myńǵa jýyq halyqaralyq reıs ushýyn doǵardy. Sebebi ushqyshtar koronavırýstyń «omıkron» shtamyn birinen soń biri juqtyra bastady. Sondyqtan «omıkronǵa» baılanysty epıdemııaǵa qarsy barlyq sharalar saqtalýy kerek», - dedi Almaz Sharman agenttik tilshisine telefon arqyly.

Budan bólek, A.Sharman ekonomıkalyq belsendiliktiń báseńdeýinde halyqaralyq baılanys, reıster men saýdadaǵy shekteýler úlken ról atqarǵanyn atap ótti.

«Pandemııa álemniń kóptegen elinde ekonomıkalyq belsendiliktiń kúrt tómendeýine ákeldi. Jalpy ishki ónim azaıdy. Logıstıka men jumys oryndaryn qurýda kóptegen máseleler týyndady», - dedi ol.

Almaz Sharman «omıkron» shtamynyń óte juqpaly ekenin aıtyp otyr.

«Jańa «omıkron» shtamy «deltamen» salystyrǵanda myń ese juqpaly. Degenmen, ol ınfektsııa men alǵashqy belgilerdiń paıda bolýy arasyndaǵy qysqa merzimmen sıpattalady. Omıkronnyń aýyr asqynýdy az mólsherde týdyratyny da aıtylady. Ol negizinen joǵarǵy tynys joldarynda shoǵyrlanǵan. Ókpege sırek túsedi. Degenmen, qart adamdar men sozylmaly aýrýlary bar adamdarǵa, sondaı-aq jas balalarǵa úlken qaýip týdyrady. Sondyqtan barlyq saqtyq sharalary qajet. Sebebi indettiń juqpalylyǵynan naýqastar aýrýhanaǵa áli kóp túsetin bolady. Qazir kóptegen medıtsına qyzmetkerleri de aýrý juqtyrýda. Sol úshin betperde kııý, áleýmettik qashyqtyqty saqtaý jáne vaktsınatsııa rejımi saqtalýda. Osy oraıda býsterlik dozasy egde jastaǵy adamdar men sozylmaly aýrýy barlarǵa aýyr zaqymdanýlardyń deńgeıin aıtarlyqtaı tómendetedi degim keledi.

Men «omıkrondy» qatań shekteýlerdi qajet etetin sońǵy indet jáne bolashaqta pandemııamen kúrespeıtin bolamyz dep úmittenemin», - dep túıindedi professor.


Joǵary qaraı