Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Halyqaralyq olımpıadalardyń jeńimpazdaryna JOO-ǵa grant pen 4,5 mln teńge beriledi

2021 jyldyń 2 qyrkúıek 2021 11:03

NUR-SULTAN. QazAqparat – Halyqaralyq olımpıadalardyń jeńimpazdary konkýrsqa qatyspaı-aq joǵary oqý oryndaryna túsý úshin grant alady. Bul týraly Memleket basshysynyń Joldaýynda berilgen tapsyrmalardy oryndaýǵa arnalǵan Úkimet otyrysynda Bilim jáne ǵylym mınıstri Ashat Aımaǵambetov málim etti, dep habarlaıdy QazAqaparat tilshisi.

«Halyqaralyq olımpıadalardyń jeńimpazdaryn qoldaý boıynsha toqtalsaq, olarǵa konkýrsqa qatyspaı-aq joǵary oqý oryndaryna túsý úshin grant berý máselesin zańnamalyq túrde retteımiz. Sondaı-aq halyqaralyq olımpıadalardyń jeńimpazdaryn yntalandyrý jáne qoldaý maqsatynda altyn medalǵa 1500 aılyq eseptik kórsetkish - bıyl ol 4,5 mln teńgege jýyq, kúmiske – 1000, qolaǵa – 500 aılyq eseptik kórsetkish aqshalaı birmezgil syılyqtaryn taǵaıyndaý josparlanýda», - dedi A. Aımaǵambetov.

Onyń aıtýynsha, jeńimpazdardy daıyndaǵan pedagogter men tálimgerlerge tıisti birjolǵy qarjylaı syıaqy berý kózdelgen.

Eske sala keteıik, Memleket basshysy Joldaýynda halyqaralyq olımpıada júldegeri bolǵan oqýshylarǵa aqshalaı syıaqy beriletinin aıtqan edi.



Joǵary qaraı