Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Halyqaralyq qarjy korporatsııasynyń qazaqstandyq keńsesiniń ornyqty jumysyna jaǵdaı jasaldy

2021 jyldyń 21 qańtar 2021 11:01

NUR-SULTAN. QazAqparat – Parlament Senatynyń jalpy otyrysynda «Qazaqstan Respýblıkasy men Halyqaralyq qarjy korporatsııasy arasyndaǵy Qazaqstanda ofıster qurý jáne olardyń qyzmeti týraly kelisimdi ratıfıkatsııalaý týraly» Zańy qabyldandy, dep habarlaıdy QazAqparat tilshisi.

Kelisim 2020 jyly 28 qańtarda Nur-Sultan qalasynda jasaldy.

«Kelisim Halyqaralyq qarjy korporatsııasynyń ofısi qyzmetiniń negizgi erejelerin, sondaı-aq, qyzmetkerler úshin artyqshylyqtar men ımmýnıtetterdi belgileıdi. Halyqaralyq qarjy korporatsııasy 1956 jyly qurylyp, halyqaralyq damý ınstıtýty sanalady. Onyń negizgi qyzmeti jeke sektordyń damýyna járdemdesýge baǵyttalǵan. Halyqaralyq Qarjy Korporatsııasy Dúnıejúzilik bank tobynyń quramyna kiredi», - dedi Qazaqstan Respýblıkasynyń Ulttyq ekonomıka mınıstri Áset Erǵalıev.

Halyqaralyq qarjy korporatsııasynyń keńseleri 104 elde bar.

Sonymen birge, korporatsııa óńirlik ofısteri álemniń tek 13 qalasynda, onyń ishinde Almatyda ornalasqan.

«Halyqaralyq qarjy korporatsııasy ofısteri ornalasqan barlyq memlekettermen ofısterdiń qyzmeti týraly uqsas kelisimder jasady. Ol Qazaqstanda óz qyzmetin 1994 jyldan bastap júzege asyryp keledi.

Osy kezeńnen bastap 1,6 mıllıard dollar kóleminde jobalar qarjylandyryldy. Bul Ortalyq Azııa elderine salynǵan ınvestıtsııalardyń jalpy kóleminiń 70 paıyzyn qurady. Atalǵan kelisim Halyqaralyq qarjy korporatsııasynyń qazaqstandyq ofısiniń ornyqty jumys isteýine jáne jańa ınvestıtsııalar tartýǵa yqpal etedi. Kelisimdi ratıfıkatsııalaý teris áleýmettik-ekonomıkalyq jáne quqyqtyq saldarǵa ákep soqpaıdy», - dedi mınıstr.


Joǵary qaraı