Aýa raıy
Astana -15 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

«Halyq úni» jobasynyń músheleri Aqtóbege barady

2020 jyldyń 17 qarasha 2020 19:43

NUR-SULTAN. QazAqparat – «Halyq úni» áleýmettik jobasyna qatysýshylar halyqtyń negizgi problemalaryn anyqtaý úshin Aqtóbe qalasyna barady, dep habarlaıdy QazAqparat tilshisi.

Jalpy Aqparat jáne qoǵamdyq damý vıtse-mınıstri Bolat Tilepov «Halyq úni» áleýmettik jobasy týraly ótken aıdaǵy baspasóz máslıhattarynyń birinde keńirek aıtyp bergen edi. Vıtse-mınıstrdiń aıtýynsha elimizde túrli áleýmettik máselelermen aınalysatyn 22 myńnan astam úkimettik emes uıym tirkelgen. Biraq naqty isterdiń basynda belsendilik kórsetip júrgenderdiń sany 5 myńnan aspaıdy. Bul degenimiz qanshama bastama men áleýmettik másele óz belsendisin tappaı júrgenin bildiredi. «Halyq úni» jobasynyń tusaýkeseri jaqynda hakim Abaıdyń kıeli topyraǵynda ótken edi.

Ulttyq qoǵamdyq senim keńesiniń múshesi, quqyq qorǵaýshy Aıman Omarova 20 qarasha «Halyq úni» jobasynyń músheleri Aqtóbege baratynyn jarııa etti.

«Maqsatymyz - halyqtyń turmys-tirshiligindegi túıtkildi máselelerdi tarazylaý. Endeshe, jel sózge jelikpeı, qańqý sózge elikpeı, túıtkildi máselelerdi birigip shesheıik! Jobanyń resmı áriptesteri Qazaqstan Respýblıkasy Aqparat jáne qoǵamdyq damý mınıstrligi, Qazaqstan Respýblıkasy Sybaılas jemqorlyqqa qarsy is-qımyl agenttigi, «Altyn Qyran» qoǵamdyq qory, «Human rights lawyers» qoǵamdyq qory! Aqtóbe qalasy, Dostyq úıi Sánkibaı batyr kóshesi 20-úı, saǵat 13.00-de barshańyzdy asyǵa kútemiz!» - dedi Aıman Omarova.


Joǵary qaraı