Aýa raıy
Astana -14 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

«Halyq úni»: Zańger Aıman Omarova aqtóbeliktermen kezdesti

2020 jyldyń 20 qarasha 2020 16:53

AQTÓBE. QazAqparat - QR Prezıdenti janyndaǵy ulttyq qoǵamdyq senim keńesiniń múshesi, «Halyq úni» jobasynyń avtory, zańger Aıman Omarova aqtóbeliktermen kezdesti, dep habarlaıdy QazAqparat tilshisi.

Qazaqstan halqy Assambleıasy ǵımaratynda halyqpen baılanys ornatyp, kedergisiz qarym-qatynas jasaý maqsatynda jıyn ótti. Erkin formattaǵy basqosýǵa belsendiler jáne memlekettik organ ókilderi qatysty.

«Memlekettik organdar tek ózderi emes, qoǵammen jumys istep júr. Eń bastysy osy. Qor halyqqa asa qajetti baǵyttardy qamtıdy. Olardyń arasynda bilim, sport, jastardy qoldaý, til men mádenıet salasy bar. ıAǵnı, osy baǵyttaǵy jumysty jetildirý týraly usynys túskende birden qoldaýǵa sheshim qabyldandy. «Halyq úni» jobasy asa qajet bastama ekeni ras. Kóp adamǵa kómek beriledi dep esepteımiz», - dedi «Altyn qyran» qoǵamdyq qorynyń atqarýshy dırektory Maqsutbek Aıtmaǵanbet.





«Halyq úni» jobasy – qarapaıym adamdardyń muń-muqtajyn tyńdap, atqarýshy organǵa jetkizetin, kedergini birge eńseretin bastama.

«Kóbine áleýmettik, quqyqtyq suraqtarǵa basymdyq beriledi. Joba Memleket basshysy Qasym-Jomart Toqaevqa usynylyp, Aqparattyq jáne qoǵamdyq damý mınıstrligi, QR Sybaılas jemqorlyqqa qarsy is-qımyl agenttigi, «Altyn qyran» jáne «Human Rights Lawyers» qoǵamdyq qorlary seriktes boldy. Alǵashqy sapar Shyǵys Qazaqstan oblysyna baǵyttaldy. Úlgi bar. Bıyl birneshe aýdan qamtylsa, keler jyly naqty jospar jasalady. Biz bári birden sheshimin tabady dep aıta almaımyz. Biraq «Halyq únine qulaq asatyn memleket» qura alamyz», - dedi zańger Aıman Omarova.

Onyń aıtýynsha, memlekettik organdar ashyq bolsa, halyqpen baılanys ornatý ońaı.





«Keshe ǵana Qyzylorda oblysynda boldym. Onda múmkindigi shekteýli adamdarǵa qajetti qural-jabdyq sapasyz jetkiziledi. Munda tehnıkalardyń qujaty qoldan jasalyp, jalǵan sertıfıkattar qoldanady. Baqylaýdy kim júrgizetinin bilgim keledi», - dedi almatylyq turǵyn Anatolıı Mıgaı. Zańger Aıman Omarova bul suraqty júıeli sheshý úshin múmkindigi shekteýli azamattardyń basyn biriktirip, Sybaılas jemqorlyqqa qarsy is-qımyl agenttigine aryz jazý kerektigin túsindirdi. Al múgedek bala tárbıelep otyrǵan Zınaıda Sıbagýlın turǵyn úı máselesin sheship berýdi surady.

«Shaǵym túsip, biz qaradyq. Ol páter kezeginde tur. Úıge qoly jetkenshe ýaqytsha baspana berildi. Páterdiń burynǵy ıesiniń kommýnaldyq qaryzy bolǵan soń biz ózge úıdi usyndyq. Jańa aýdanda bári bar. Bıyl eki mektep salynyp jatyr», - qala ákiminiń orynbasary Qýandyq Qasymov.

Keıin jıynǵa Sybaılas jemqorlyqqa qarsy is-qımyl agenttiginiń tóraǵasy Alık Shpekbaev pen oblys ákimi Ońdasyn Orazalın jıynǵa qatysty.

«Halyq pen bılik arasynda dıalog bolmasa, kez kelgen salanyń damýy qıyn. Eki araǵa kópir bolǵan bul jobanyń mańyzy zor. Birge úlken is tyndyramyz. Aqtóbede eki kúndik issaparmen keldim. Kóp is atqarylǵan. Memlekettik organdar ashyq, qoljetimdi», - dedi Alık Shpekbaev.


Joǵary qaraı