Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Halyq sanaǵy ózekti máselelerdi sheshýge kómektesedi – Almaty saılaý komıssııasy

2021 jyldyń 22 qyrkúıek 2021 21:00

ALMATY. QazAqparat - Qazaqstandaǵy 2021 jylǵy ulttyq halyq sanaq nátıjeleri el tarıhyndaǵy mańyzdy sharalardyń biri bolmaq. Mundaı pikirdi Almaty qalasy aýmaqtyq saılaý komıssııasy tóraǵasynyń orynbasary Aıgúl Qalyqova bildirdi, dep habarlaıdy QazAqparat tilshisi.

Onyń sózinshe, sanaq qorytyndysy boıynsha elde halyqtyń pandemııadan qalaı ótip jatqanyn, on jyldan keıin ómir salty qalaı ózgergenin bilýge bolady.

Aıgúl Qalyqova halyq sanaǵy eń aldymen el turǵyndarynyń jasy, jynysy, ulty, bilimi boıynsha naqty sandyq jáne sapalyq quramyn bilý úshin qajet ekenin jetkizdi.

«Biz ómir súrý jaǵdaıyn, jumyspen qamtý deńgeıi men qurylymyn bile alamyz, biraq buǵan jetý úshin árbir turǵynǵa jetýimiz kerek jáne barlyq adamdar sanaqqa qatysýy kerek. Sanaqtyń urany: «Qazaqstanda ár adam mańyzdy!», - dedi ol.

Onyń aıtýynsha, sanaq nátıjeleri kóptegen máselelerdi sheshýge jáne memleketke jospar qurýǵa kómektesedi. Sonymen qatar, sanaq Almaty úshin megapolıs retinde óte mańyzdy. Jasyratyny joq, qalada turatyndardyń kópshiliginiń resmı tirkeýi joq.

«Bul jaǵdaı dástúrli túrde eńbek mıgranttary men olardyń otbasylaryn qyzyqtyratyn oryn bolyp tabylatyn barlyq iri qalalarda damyp keledi. Bilim berý, densaýlyq saqtaý jáne áleýmettik salaǵa úlken júkteme bar. Mektep, balabaqsha jáne basqa da áleýmettik nysandar jetkiliksiz. Al halyqtyń qajettiligi týraly naqty derekter bolmasa, qalaı esepteýge bolady? Biz barlyǵymyz balalarymyz ben nemerelerimizdiń zamanaýı balabaqshaǵa, eki-úsh emes, bir aýysymda bilim alatyn mektepke barý múmkindigin alǵymyz keledi. Biz bárimiz sapaly medıtsınalyq qyzmet alǵymyz keledi. Memleket muny turǵyndardy esepke almaı, belgili bir eldimekende turatyn adamdardyń naqty sanyn bilmeı, óz halqyn qamtamasyz ete almaıdy», - dedi Aıgúl Qalyqova.

Sanaq derekteri málimetter bazasynda kórsetilmegen, qujattary joq azamattardy sanaýǵa kómektesedi. Bular memleketten kómek almaıdy.

Sózin qorytyndylaǵan Almatynyń aýmaqtyq saılaý komıssııasy tóraǵasynyń orynbasary qala turǵyndaryn sanaq kezinde belsendilik tanytýǵa jáne jeke málimetterge alańdamaýǵa shaqyrdy, óıtkeni zań olardyń saqtalýyna tıisti kepildik beredi.

«Biz barlyǵymyz halyq sanaǵy tez ári sapaly ótse, onda ózekti máselelerdiń shuǵyl sheshiletinin túsinýimiz kerek. Óıtkeni, kez kelgen máseleni sheshýdiń alǵashqy qadamy – onyń naqty tujyrymy. Halyq sanaǵy ózekti máselelerdi sheshýge kómektesedi», - dedi spıker.


Avtor Alma Muqanova
Basty sózder: Qoǵam, Halyq sanaǵy, Almaty,
Joǵary qaraı