Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Halyq sanaǵy: Derbes derekterdi saqtaý úshin krıptografııalyq quraldar qoldanylady

2021 jyldyń 15 qyrkúıek 2021 18:04

NUR-SULTAN. QazAqparat – Aazamattardyń halyq sanaǵy kezinde bergen derekterin qaýipsiz saqtaý úshin krıptografııalyq qorǵaý quraldary qoldanylady, dep habarlaıdy QazAqparat tilshisi. Bul týraly Ulttyq statıstıka bıýrosynyń basshysy Nurbolat Aıdapkelov ortalyq kommýnıkatsııalar qyzmetinde ótken brıfıngide málim etti.

«Halyq sanaǵyn júrgizý kezinde jeke derekterdiń qaýipsizdigine kepildik beriledi. Azamattardan alynatyn barlyq aqparat qorǵalǵan baılanys arnalary arqyly bıýronyń ortalyq serverine berilip otyrady. Ondaǵy aqparatty qorǵaý úshin Qazaqstan Respýblıkasynyń standarty boıynsha aqparatty krıptografııalyq qorǵaý quraldary qoldanylady», - dedi bıýro basshysy.

Al Sanag.gov.kz caıtyn qorǵaý úshin Sectigo SSL sertıfıkaty satyp alynǵan kórinedi.

«Onda paıdalanýshy men server arasynda derekter almasý qorǵalǵan https hattamasy boıynsha júredi. Ulttyq statıstıka bıýrosynyń barlyq aqparattyq júıesi aqparattyq-kommýnıkatsııalyq ınfraqurylymnyń asa mańyzdy obektileri tizimine engizilgen jáne QR Ulttyq qaýipsizdik komıtetiniń «Memlekettik tehnıkalyq qyzmet» AQ monıtorıngine alynǵan. Sondaı-aq, aqparattandyrý salasyndaǵy zańnama talaptaryna sáıkes aqparattyq júıeniń qaýipsizdik talaptaryna sáıkestigine synaqtar júrgizildi jáne oń nátıje alyndy», - dep naqtylady Nurbolat Aıdapkelov.

Onyń aıtýyna qaraǵanda, «Memlekettik tehnıkalyq qyzmet» AQ sanaq boıynsha sanaq.gov.kz aqparattyq resýrstyń qol jetimdiligine táýlik boıy monıtorıng júrgizip, hakerlik shabýyldardyń aldyn alyp otyr.

«Alǵashqy statıstıkalyq derekterdiń saqtalýy men qupııalylyǵyn qamtamasyz etý QR zańnamasymen retteletin protsester sheńberinde zamanaýı tehnıkalyq quraldardy paıdalaný arqyly jáne aqparattyq qaýipsizdik salasyndaǵy ýákiletti organmen yntymaqtastyqta júzege asyrylady», - deıdi Ulttyq statıstıka bıýrosynyń basshysy.


Avtor Esimjan Naqtybaı
Basty sózder: Halyq sanaǵy, Statıstıka,
Joǵary qaraı