Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Halyq sanaǵy arqyly halyqtyń turmysy, áleýmettik jaǵdaıy kórinedi - Oljas Saılaýbekuly

2021 jyldyń 20 qyrkúıek 2021 16:01

ALMATY. QazAqparat - Búgingi kúni respýblıka boıynsha on jylda bir ret ótkiziletin Ulttyq halyq sanaǵy ótýde. Bıylǵy halyq sanaǵy elimiz táýelsizdik alǵaly beri úshinshi márte ótkizilip otyr.

Sonymen qatar, bıylǵy Halyq sanaǵy aldymen 2020 jyly ótý kerek bolatyn, pandemııanyń kesirinen 2021 jylǵa shegerilgen edi. Osylaısha, Ulttyq sanaqty ótkizýdiń sáti bıyl keldi. Osyǵan oraı, memleket basshysy Qasym-Jomart Toqaevtyń tapsyrmasymen ótip jatqan Ult­tyq halyq sanaǵy jaıynda «Ulttyq Halyq Sanaǵy-2021» sharasynyń resmı ókili Oljas Saılaýbekuly QazAqparat tilshisine óz pikirimen bólisken edi.

«Qazaqstanda halyq sanaǵy BUU jarııalaǵan 2020 jylǵy halyq sanaǵy men turǵyn úı qorynyń Dúnıejúzilik raýndy aıasynda ótedi. Tájirıbe boıynsha álem elderinde 10 jylda bir ret ótedi. Keı elderde 5 jyl aralyǵynda ótedi. Sondaı-aq, halyq sanaǵy dep bir mezettegi búkil memlekettiń, ıaǵnı, halyqtyń bet beınesiniń kórinisi dese bolady. ıAǵnı, bul jerde halyq sanynan bólek, onyń turmysy, áleýmettik jaǵdaıy kórinedi»,- deıdi ol.

Onyń aıtýynsha, Ulttyq halyq sanaǵy arqyly sapaly málimetter jınaqtaýǵa bolady. Sol málimetterdi paıdalana otyryp, ary qaraı memleketke sapaly baǵdarlamalar qabyldaý múmkindigi týady. Sondyqtan bul sharanyń mańyzdylyǵy joǵary.

«Bul bizdiń memlekettegi mańyzdy josparlarǵa qajetti málimetterdiń derekkózi bolyp tabylady. Ol tek memlekettik organdar úshin ǵana emes, sonymen birge, ǵylymı uıymdar, qoǵamdyq uıymdar, bıznes úshin de qajetti málimetter bar. Sol sebepti, ózderiniń jumysy, ary qaraıǵy jospary úshin tıgizer tıimdi tustary bar. Mysaly, sońǵy tutynýshysy týraly jan-jaqty málimet alýǵa múmkindigi bar. Halyq saǵaǵy bitken soń, onyń málimetteri óńdelip, tolyq qoljetimdi bolady. ıAǵnı, málimetter saıtqa jarııalanyp, sol jerden qyzyǵýshylyq tanytqan árbir adam onymen tanysyp, ózine qajetti tusyn túrtip alýyna múmkindigi bolady»,- dedi Oljas Saılaýbekuly.

Spıker Halyq sanaǵy kezindegi saýalnama suraqtary jaıly óz oıyn bylaı jetkizdi: «Bul saýalnama búkil múddeli memlekettik organdarmen kelisilgen. Halyqaralyq uıymdardyń usynystary da engizilgen. Odan bólek, bul sanaq saýaldary óz tártibi boıynsha qoǵamdyq talqyǵa salynǵan, sodan keıin tıisti qorytyndysyn alǵan soń ǵana qoldanysqa enip otyr».


Avtor Dýman Arǵyngeldi
Basty sózder: Qoǵam, Almaty, Halyq sanaǵy,
Joǵary qaraı