Aýa raıy
Astana -23 °S
Almaty -8 °S
valıýta baǵamy
USD 421.58
EUR 496.83
RUB 5.53
CNY 62.20

Halqymyz endigi ne istese de «joldasy sabyr men aqyl» ǵana bolýy kerek – Elbasy

2020 jyldyń 25 qarasha 2020 15:44

NUR-SULTAN. QazAqparat - Halqymyz endigi ne istese de «joldasy sabyr men aqyl» ǵana bolýy kerek. Bul týraly búgin «Nur Otan» partııasynyń kezekten tys HH sezin qorytyndylaǵan QR Tuńǵysh Prezıdenti - Elbasy Nursultan Nazarbaev aıtty, dep habarlaıdy QazAqparat tilshisi.

«Prezıdent Qasym-Jomart Kemeluly Toqaev saılaýaldy baǵdarlamanyń negizgi baǵyttaryna toqtaldy. Biz ony tolyq júzege asyrýymyz kerek. Baǵdarlamany oryndaý arqyly qıyndyqtardy eńserip qana qoımaı, halyqtyń ómir súrý sapasyn arttyryp, elimizdiń tabysty damýyn qamtamasyz etýge jol ashýymyz qajet. Keler jyly ulan-baıtaq dalamyzda Táýelsiz memleket qurǵanymyzǵa 30 jyl tolady. Bul - óte qasıetti kezeń. Ata-babamyzdyń qanymen, analarymyzdyń terimen kelgen. Sondyqtan qolymyzǵa túsken osy teńdesi joq altyndy alyp júrý bizdiń moınymyzǵa júktelgen paryz», - dedi Elbasy.

QR Tuńǵysh Prezıdenti ótken ǵasyrda halqymyz toǵyz túrli alapatty bastan keshirgenin atap ótti. Ekinshi dúnıejúzilik soǵys, 2 zulmat asharshylyq, ult-azattyq qozǵalystar, qýǵyn-súrgin jyldarynda 4 mln adam qyrshyn ketip, 1,5 mln qazaq bosqynǵa aınalyp, shet memleketterge bas saýǵalaǵanyn basa aıtty.

«Bul ultymyz úshin aýyr qasiret. Qaı halyq osyndaı qasiretti basynan keshirgen eken. Soǵan qaramastan halqymyz ata-babamyz qaldyrǵan jerinde óziniń memleketin quryp otyr. Elordasyn eldiń ortasyna ákep ornattyq. Dúnıege elimizdi pash ettik. «Taǵdyrdyń tezinen, tozaqtyń ózinen» ótip, «myń ólip myń tirilgen», Táýelsizdiktiń tátti dámin sezingen halqymyzdyń endigi ne istese de «joldasy sabyr men aqyl» ǵana bolýy kerek», - dedi Nursultan Nazarbaev.


Joǵary qaraı