Aýa raıy
Astana -9 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Gúlshara Ábdiqalyqova Baıqońyr ǵarysh aılaǵynan «SoıýzMS-17» kemesiniń ushyrylýyn tamashalady

2020 jyldyń 15 qazan 2020 09:36

BAIQOŃYR. QazAqparat - Qyzylorda oblysynyń ákimi Gúlshara Ábdiqalyqova jumys saparymen Baıqońyr qalasyna baryp, «SoıýzMS-17» ǵarysh kemesiniń ushyrylýyn tamashalady.

Aımaq basshysy «Roskosmos» memlekettik korporatsııasynyń bas dırektory Dmıtrıı Rogozınmen kezdesip, ǵarysh kemesin ushyrýǵa qatysýǵa shaqyrǵany úshin rızashylyǵyn bildirip, qurmetin jetkizdi. Sonymen birge zymyrandy ushyrýǵa jumyldyrylǵan mamandardy quttyqtady.




- Búgingi ushyrylym óte mańyzdy, óıtkeni keme bortınjeneri Sergeı Vladımırovıch - bizdiń jerlesimiz, Baıqońyr qalasynyń týmasy. Sondaı-aq, ǵarysh kemesiniń ushyrylǵan kúni NASA astronavty Ketlın Rýbınstiń týǵan kúnine sáıkes keldi. Men olarǵa myqty densaýlyq, sáttilik, jumsaq túıisý jáne qoıylǵan mindetterdi oıdaǵydaı oryndaýdy tileımin. Sizdiń kásibı sheberligińiz ben biliktiligińizdiń arqasynda búgingi ushyrylym sátti aıaqtalǵanyn da atap ótkim keledi. Barshańyzǵa densaýlyq, sarqylmas qýat, barlyq isterińizge sáttilik tileımin, ómirińiz oshaq jylýy men otbasyńyz ben dostaryńyzdyń súıispenshiligine toly bolsyn,-dedi oblys ákimi Gúlshara Ábdiqalyqova.

Aıta keteıik, «SoıýzMS-17» ǵarysh kemesin Reseı Federatsııasynyń 121-shi ǵaryshkeri Sergeı Ryjıkov, ǵaryshker-synaqshy Sergeı Vladımırovıch pen NASA astronavty, 339-shy AQSh astronavty jáne 549-shy álem astronavty Ketlın Keıt basqarady.

Ǵarysh zymyranyn ushyrý sátinen keıin oblys ákimi Gúlshara Ábdiqalyqova men «Roskosmos» memlekettik korporatsııasynyń bas dırektory Dmıtrıı Rogozınmen biraqatar máseleler jóninde sóılesti.


Joǵary qaraı