Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Gúlmıra Daırabaeva Qarjy mınıstrliginiń baspasóz hatshysy boldy

2022 jyldyń 14 qańtar 2022 21:15

NUR-SULTAN. QazAqparat – Tanymal telejúrgizýshi Gúlmıra Daırabaeva QR Qarjy mınıstriniń baspasóz hatshysy jáne vedomstvonyń baılanys departamentiniń dırektory bolyp taǵaıyndaldy, dep habarlaıdy QazAqparat tilshisi.

Qazaqtildi telekórermenderge «Tańsholpan» baǵdarlamasy arqyly tanylǵan Gúlmıra Daırabaeva QR Qarjy mınıstriniń baspasóz hatshysy jáne vedomstvonyń baılanys departamentiniń dırektory qyzmetterin qatar atqarady.

Gúlmıra Daırabaeva ál-Farabı atyndaǵy QazUÝ, Ѕorhia-Antipolis atyndaǵy sheteldikterge arnalǵan ınstıtýttyń, Frantsııanyń, USC Sol Price School of Public Policy, Ońtústik Kalıfornııa ýnıversıtetiniń, AQSh-tyń, memlekettik saıasat jáne basqarý akademııasynyń túlegi.

«Bolashaq» halyqaralyq stıpendııasynyń ıegeri. Memlekettik saıasat jáne basqarý magıstri.

«Qazaqstannyń eńbek sińirgen qaıratkeri», «Aqparat salasynyń úzdigi» sııaqty marapat-ataqtary bar.

«Qazaqstan» tereradıo kesheninde tańǵy «Tańsholpan» baǵdarlamasynyń júrgizýshisi bolyp, keıin tańǵy baǵdarlamalar departamentin basqardy.

Sondaı-aq «Habar» agenttiginde, «NTK» jáne «ORT Qazaqstan» telearnalarynda jumys istedi.

CIFAP Halyqaralyq Uıymynyń janyndaǵy Frantsııanyń «FRANCE-3» memlekettik arnasynda halyqaralyq aýdıovızýaldy taǵylymdamadan ótti.

«Syrǵa» qazaq-frantsýz teleshoýyn tikeleı efırde júrgizdi. Qazaq, orys, aǵylshyn, frantsýz tilderin jáne Sign language (sańyraýlar tilin) meńgergen.

Joǵary qaraı