Aýa raıy
Astana 0 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

Grýzııada qazaqstandyq jasóspirim izdestirilip jatyr

2020 jyldyń 6 tamyz 2020 08:56

TBILISI. QazAqparat – Qazaqstandyq 13 jastaǵy Ilıa Pılpanıdi izdeýge 80 órt sóndirýshi, polıtsııa bólimsheleri, ushqyshsyz basqarylatyn ushý apparattary, sý kóligi men shekaralyq polıtsııa tikushaǵy jumyldyrylǵan.

Qutqarýshylar jasóspirimdi Svanetııadan da, Qara teńiz jaǵalaýynan da izdeýde. Ilıa Pılpanıdiń sýreti Grýzııanyń ІІM barlyq bólimderine jiberildi. Mundaı málimdemeni Grýzııanyń ІІM arnaıy brıfıngte Tótenshe jaǵdaılardy basqarý qyzmetiniń basshysy Teımýraz Mgebrıshvılı jasady, dep habarlaıdy QazAqparat «Grýzııa jańalyqtaryna» silteme jasap.

Ilıa Pılpanı - Qazaqstan azamaty. Ol qysta ákesimen birge Almatydan Mestııadaǵy týystaryna qonaqqa kelgen. Koronavırýs indetine baılanysty olar Qazaqstanǵa qaıta almaǵan.

18 shilde kúni tańerteń Ilıa velosıped tebýge úıden shyǵyp ketken. Sońǵy ret Ilıany Lendjerı aýylynan kórgen. Ákesi jýrnalısterge bergen suhbatynda ulymen úıde janjal bolǵanyn jáne balanyń úıden qashýdy josparlaýy múmkin ekenin joqqa shyǵarmaǵanyn aıtty. Tótenshe jaǵdaılardy basqarý qyzmetine jasóspirimniń joǵalǵany týraly habar 19 shildede kelip tústi.

«112» qoǵamdyq qaýipsizdikti basqarý ortalyǵy Grýzııadaǵy barlyq qoldanystaǵy telefon nómirlerine Ilıa Pılpanıdiń fotosýreti bar úsh tilde aqparattyq qysqa mátindik habarlamalar jiberdi, eger olarda qandaı da bir aqparat bolsa, 112 nómirine qońyraý shala alady», - dep málimdedi Mgebrıshvılı.

Jasóspirim joǵalyp ketkennen keıin qutqarýshylar Svanetıdegi Lendjerı, Lashdgverı, Mesgýnı, Nemsıa, Solı, Kaerı, Lhanı, Kartvanı, Lanhvrı, Iskarı, Tsalanarı, Etserı, Kalashı, Ýshgýlı, Ýgvalı, Parı, Zemo Lýha, Kvemo Lýha, Lahamýla, Nodashı, Magardı, Lezgara, Svıpı, Gvebaldı Solı, Kaerı, Lemsıa, Kashvetı, Lashtgverı, Nesgýnı, Zargashı, Kýrelı, Becho, Mazerı, Djorkvalı, Latalı sekildi 38 eldimekendi jáne olardyń aınalasyn tekserdi.

Joǵaryda atalǵan aýyldardaǵy qaraýsyz qalǵan úıler, sondaı-aq jeti ózenge jaqyn aýmaq, olardyń arnalary men shatqaldary tekserildi. Qutqarýshylar taýlardy, jaıylymdardy, týnnelderdi qarap shyqty, ormannan izdedi. Ingýrı ózeni men Ingýrı GES-de izdeý jumystary júrgizilýde.

«Іshki ister mınıstrliginiń ókilderi iz-túzsiz joǵalyp ketken jasóspirimniń otbasymen únemi baılanysta. Ilıa Pılpanıdiń ata-anasyna kún saıyn olardyń jumysy týraly aqparat beriledi «, — dep atap ótti Mgebrıshvılı.


Basty sózder: Álem, Oqıǵa,
Joǵary qaraı