Aýa raıy
Astana -20 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Grýzııada 2021 jyldyń 1 aqpanyna deıin laıt-lokdaýn engizildi

2020 jyldyń 28 qarasha 2020 11:28

TBILISI. QazAqparat – COVID-19 juqtyrǵandar sanynyń artýyna baılanysty Grýzııa úkimeti shekteýdiń eki aılyq josparyn bekitti. Ol 28 qarashadan bastalyp, 1 aqpanǵa deıin sozylady, dep habarlaıdy QazAqparat Grýzııa jańalyqtary aqparat agenttigine silteme jasap.

COVID-19 juqtyrýshylar sany artýyna baılanysty Grýzııa úkimeti elde kelesi eki aıǵa qozǵalysty jáne ekonomıkalyq qyzmetti shekteýdi sheshti.

Shekteý sharalary jıyntyǵy – bul ótken kóktemde, pandemııanyń birinshi tolqyny kezinde Grýzııada áreket etken lokdaýnnyń jeńil nusqasy.

28 qarashadan 31 qańtarǵa deıin elde dúkender, kıim-keshek bazarlary, meıramhanalar, tamaqtaný nysandary, fıtnes-ortalyqtar jumysyn toqtatady. Barlyq qoǵamdyq (avtobýstar, metro jáne mıkroavtobýstar) jáne qalaaralyq kólik toqtatylady.

Agenttiktiń habarlaýynsha, erekshe jaǵdaı jańa jyldyq merekeler kezeńinde bolady, 24 jeltoqsannan 2 qańtarǵa deıin avtobýstar, metro jáne mıkroavtobýstar jolaýshylarǵa qyzmet kórsetedi.

28 qarashadan 31 qańtarǵa deıin Grýzııanyń segiz iri qalasynda – Tbılısı, Telavı, Batýmı, Kýtaısı, Rýstavı, Gorı, Potı jáne Zýgdıdı, sondaı-aq taý shańǵysy kýrorttarynda (Bakýrıanı, Gýdaýrı, Goderdzı jáne Mestııa) saýda ortalyqtary jabylady. Bekitilgen josparǵa sáıkes, 24 jeltoqsan men 2 qańtar aralyǵynda saýda ortalyqtarynyń jumysyna qoıylǵan shekteýler joıylady.

Azyq-túlik, mal azyǵy, turmystyq hımııa jáne gıgıena ónimderin satatyn bólshek saýda dúkenderi, sondaı-aq baspasóz dúńgirshekteri, dárihanalar jumysyn jalǵastyra alady. Sondaı-aq, elektr energııasyn, tabıǵı gazdy, sýdy jetkizýge; benzın, dızel otyny, suıytylǵan gazdy satýǵa baılanysty nysandardyń jumysyna shekteýlerdiń qatysy joq. Basqa barlyq nysandar tek jetkizý servısterin paıdalana otyryp, qashyqtan jumys isteı alady.

Grýzııanyń iri qalalary - Tbılısı, Telavı, Batýmı, Kýtaısı, Rýstavı, Gorı, Potı jáne Zýgdıdıde mektepter, kásiptik ýchılıeler men ýnıversıtetter (medıtsınalyqtan basqa) tolyǵymen qashyqtan oqytýǵa kóshedi.

21: 00-den 05:00-ge deıin búkil el boıynsha jaıaý jáne kólikpen júrýge, sondaı-aq qoǵamdyq oryndarda bolýǵa tyıym salynady.

70 jastan asqan adamdarǵa úıde qalýǵa keńes beriledi.

Qandaı da bir shekteýdi buzǵany úshin jeke tulǵalarǵa 2 myń ları (600 dollardan astam), al zańdy tulǵalar úshin 10 myń ları (3 myń dollardan astam) mólsherinde aıyppul kózdelgen.

Basty sózder: Qaýipsizdik, Karantın, Oqıǵa, Grýzııa,
Joǵary qaraı