Aýa raıy
Astana -23 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

«Gremmı-2021»: Kim kóp nomınatsııaǵa usynyldy

2020 jyldyń 26 qarasha 2020 08:36

NЬıÝ-IORK. QazAqparat – AQSh óner jáne dybys jazý tehnıkasy ulttyq akademııasy «Gremmı-2021» nomınanttarynyń tizimin jarııalady. Amerıkalyq ánshi Beıonse óte kóp atalymǵa úmitker retinde tirkelgen, dep habarlaıdy QazAqparat Euronews agenttigine silteme jasap.

Beıonse 9 sanat boıynsha mýzykalyq «Oskar» júldesi úshin kúresedi, onyń ishinde eń bedeldisi – «Jyl jazbasy». Oǵan «Qara násildilerdiń ómiriniń máni bar» degen uranmen qarsylyq sharalarynyń ánuranyna aınalǵan «Black Parade» áni usynylǵan.

Odan keıingi orynda brıtandyq Dýa Lıpa tur. 25 jastaǵy ánshi jáne ánderdiń avtory eki jyl buryn úzdik jańa oryndaýshy retinde «Gremmı» syılyǵyn alǵan, al qazir alty marapattan úmitti.

Onyń «Future Nostalgia» kúıtabaǵy «Jyl albomy» sanatynda baq synap jatyr. Munda Dýa Lıpanyń básekelesiniń biri kantrı-pop-ánshi Teılor Svıft. Onyń oqshaýlaný kezinde jazylǵan «Folklore» albomy strımıng servıster arasynda tyńdalym sany boıynsha kóptegen rekord ornatyp, tipti Gınnes rekordtar kitabyna endi.

Amerıkalyq repper Roddı Rıch tárizdi Svıft te alty atalymǵa úmitker. Onyń «The Box» kompozıtsııasy «Jyl áni» atanýy múmkin. Al DaBaby-men jazylǵan «Rockstar» sıngly «Jyl jazbasy sanatynda nomınanttar tizimine endi.

Baıqaýdyń 63-shi marapattaý rásimi 31 qańtarda, jeksenbi kúni ótedi.

Eske sala ketsek, Imanbek Zeıkenovtiń (Imanbek) SAINt JHN-tyń Roses ánine jazǵan remıksi «Gremmı» syılyǵyna úmitker qatarynda.


Basty sózder: Mádenıet, Álem,
Joǵary qaraı