Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Golovkınniń promoýteri onyń basqa boksshylardan erekshelikterin atady

2021 jyldyń 23 maýsym 2021 13:33

NUR-SULTAN. QazAqparat - IBF jáne IBO nusqalary boıynsha orta salmaqtaǵy álem chempıony Gennadıı Golovkınmen (41-1-1, 36 KO) birge jumys atqaryp júrgen promoýter Tom Leffler GGG-diń basqa tabysty boksshylardan aıyrmashylyǵy qandaı ekenin baıandap berdi, dep habarlaıdy QazAqparat Sports.kz saıtyna silteme jasap.

Onyń aıtýynsha, Gennadıı kúntizbesinde josparlanǵan jekpe-jekteri bolmasa da, qatań tártip saqtap júredi.

«GGG – óte «taza» ómir saltyn júrgizip kelgen jigitterdiń biri. Ol árdaıym jegen tamaǵyn, salmaǵyn qadaǵalap, artyq keli qospaıdy. Ol túngi klýbtarda ýaqyt ótkizbeı, aqshasyn únemdep, otbasyn birinshi orynǵa qoıǵan jigit», - dep baıandady Leffler.

Gennadıı Golovkın búginde sońǵy jekpe-jegin 2020 jyldyń jeltoqsanynda ótkizgen. Onda ol Polsha boksshysy Kamıl Sheremetany (21-2, 5 KO) tehnıkalyq nokaýtpen jeńip shyqqan. Qazaqstandyq boksshynyń rıngke oralýy jazdyń sońyna josparlanyp otyr, alaıda onyń ótetin kúni men qarsylasynyń esimi ázirge belgisiz.


Basty sózder: Gennadıı Golovkın, Sport,
Joǵary qaraı