Aýa raıy
Astana -12 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Golovkınniń kelesi jekpe-jeginiń jańa datasy ataldy

2020 jyldyń 24 qazan 2020 11:14

NUR-SULTAN. QazAqparat - IBF nusqasy boıynsha orta salmaqtaǵy álem chempıony Gennadıı Golovkınniń promoýteri, Matchroom Boxing promoýterlik kompanııanyń basshysy Eddı Hırn GGG-diń 2020 jyly jekpe-jegi ótetinine úmit qalmaǵanyn málim etti, dep habarlaıdy QazAqparat Sports.kz saıtyna silteme jasap.

Gennadııdiń mindetti qarsylasy Polsha boksshysy Kamıl Sheremeta bolýy tıis. Buǵan deıin jekpe-jek 20 qarasha kúni ótetini habarlanǵan edi. Alaıda, Sheremetanyń jattyqtyrýshysy Fedor Lapın aıqas kúni kezekti ret aýystyrylatynyn málimdedi.

E.Hırn kezdesý osy jyldyń sońynda nemese kelesi jyldyń basynda ótýi múmkin ekendigin aıtýda.

«Iıa, Gennadıı rıngke 2020 jyly qaıtyp oralýdy kózdep otyr dep oılaımyn. DAZN-nan jekpe-jekter kestesin qarastyrý kerek. DAZN bul jekpe-jek (Golovkın-Sheremeta) qomaqty aqsha tólep otyr jáne onyń qashan ótkiziletinin olar sheshedi. Gennadıı Golovkın 2019 jyldyń qazan aıynan beri judyryqtasqan joq. Kóp ýaqyt boldy. Qazirgi kezde GGG mansabynda bastysy – Sınko de Maıoda «Kanelomen» úlken jekpe-jektiń ótýin qamtamasyz etý. Sondyqtan, eger Gennadıı jeltoqsan ne qańtar aıynda judyryqtassa jáne Sheremetany taza jeńse, birden «Kanelomen» úshinshi jekpe-jekke ótetinine úmittenemiz. Kez kelgen boksshy úshin 2020 jyly birde-bir jekpe-jektiń bolmaýy – úlken soqqy», - dedi Hırn SI Boxing-qa bergen suhbatynda.


Basty sózder: Gennadıı Golovkın, Sport, Boks,
Joǵary qaraı