Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Germanııadaǵy sý tasqyny: Tabıǵat apatynan qurban bolǵandar sany 43-ke jetti

2021 jyldyń 16 shilde 2021 01:47

BERLIN. QazAqparat - Germanııanyń batys aýmaǵyna «Bernd» tsıklony ákelgen nóser jaýyn kemi 43 adamnyń ómirin jalmady. Taǵy ondaǵan adam joǵalyp ketken, dep habarlaıdy QazAqparat Deutsche Welle-ge silteme jasap.

«Bernd» tsıklonynyń áserinen GFR-dyń Reınland-Pfalts federaldyq jerindegi Arvaıler aýdanyna jaýǵan nóser jaýynnan 6 úı qulady, taǵy birneshe ǵımarat qulaǵaly tur. Bul týraly beısenbi, 15 shilde kúni Berlınde federaldyq polıtsııanyń resmı ókili málimdegen.

Naqtylanǵan derekterge saı, Germanııanyń batysyndaǵy túrli aýdandarda 43 adam tabıǵı apat kesirinen kóz jumdy. Koblents polıtsııasy 15 shilde kúni osy aýdanda 18 adam qurban bolǵanyn, Keln - 20, onyń 15-i Oıskırhen qalasynda opat bolǵanyn habarlaǵan.

Budan bólek taǵy ondaǵan adam iz-túzsiz joǵalyp ketken.

Reın jaǵalaýy men tarmaǵynda ornalasqan kóptegen qalalarda sý tasqyny boldy.


Joǵary qaraı