Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Germanııadaǵy sý tasqyny: kompanııalardyń shyǵyny 500 mln eýrodan asty

2021 jyldyń 27 shilde 2021 03:31

BERLIN. QazAqparat - Aldyn ala esepteýler boıynsha, Germanııanyń batysynda bolǵan sý tasqyny saldarynan Ah ózeni ańǵarynda ornalasqan kompanııalarǵa keltirilgen materıaldyq shyǵyn 500 mıllıon eýrodan asty, dep habarlaıdy QazAqparat DPA agenttigine silteme jasap.

Saýda-ónerkásip palatasy (IHK) men Qolóner (HwK) palatasynyń derekterine qaraǵanda, 800-ge jýyq kásiporyn - IHK músheleri, sondaı-aq HwK quramyna kiretin 800 kompanııa tabıǵı apattan zardap shekken. Olardyń 71 paıyzy- shaǵyn bıznes. Sonymen birge, qonaq úı bıznesiniń ókilderi de qomaqty shyǵynǵa ushyrap otyr. Agenttiktiń habarlaýynsha, shamamen 560 mıllıon eýro kólemindegi shyǵynnyń negizgi bóligi qıraǵan ǵımarattardyń enshisinde. Bularda jabdyqtar, quraldar men taýarlar búlingen.

«Óńir ekonomıkasy negizinen týrızmge baılanysty», - deıdi IHK basqarýshy dırektory Arne Ressel. «Aldymen koronavırýs pandemııasy saldarynan kásiporyndardyń jumysy toqtady, endi tabıǵı apatty bastan keship otyrmyz. Bul sý tasqyny ekonomıkaǵa, ásirese Ar ózeni boıyndaǵy saýda jasaýshylarǵa, qonaqúılerge jáne restoratorlarǵa úlken zııan keltirdi», - dep qosty ol.

Basqarýshy dırektordyń atap ótýinshe, zardap shekken kompanııalarǵa 5 myń eýro kóleminde shuǵyl kómek kórsetýdiń orny erekshe bolyp otyr.

Aıta keter bolsaq, 12 shildeden bastap Germanııanyń batysy men ońtústik-batysynda nóser jańbyr saldarynan joıqyn sý tasqyny boldy. Reın-Ahr men Mozel, sondaı-aq Saýer, Prıým, Nıms, Kıl jáne Erft ózenderi arnasynan asty.

Tabıǵı apat saldarynan 180-ge jýyq adam kóz jumdy.


Basty sózder: Ekonomıka, Sý tasqyny, Álem,
Joǵary qaraı