Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Germanııada koronavırýsty juqtyrýdyń eń joǵary kórsetkishi tirkeldi

2022 jyldyń 26 qańtar 2022 15:24

NUR-SULTAN. QazAqparat-Pandemııa bastalǵannan beri Germanııada alǵash ret ınfektsııa juqtyrýdyń jańa jaǵdaılarynyń sany 150 000-nan asty, apta saıynǵy ınfektsııa juqtyrý deńgeıi 900-den asty. Reanımatsııa bólimsheleriniń júktemesi de artyp keledi, biraq tómen deńgeıde qalyp otyr, dep habarlaıdy QazAqparat Deutsche Welle-ge silteme jasap.

Ótken táýlikte vırýs juqtyrý jaǵdaılarynyń sany 164 myńdy qurady (bir kún buryn – 126 955 jáne ótken sársenbide 112 323). Osylaısha, 21 qańtarda tirkelgen 140 160 burynǵy eń joǵary kórsetkishten asyp ketti.

Germanııadaǵy koronavırýsqa qarsy shekteýlerdi kúsheıtýdiń nemese álsiretýdiń eń mańyzdy krıterııi - qarqyndy terapııa bólimsheleriniń júktemesi de ósip keledi, biraq áldeqaıda tómen qarqynmen.

Medıtsınalyq mekemelerdiń málimetteri boıynsha 100 myń halyqqa shaqqanda 4,07-ge deıin ósti; eki kún buryn ol 3,87 bolǵan. Bul kórsetkish 2020 jyldyń Rojdestvo kezeńinde eń joǵary deńgeıge jetti.


Basty sózder: Densaýlyq, Medıtsına, Koronavırýs, Álem,
Joǵary qaraı