Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Germanııada koronavırýs juqtyrǵan adamdar sany ósti

2021 jyldyń 4 jeltoqsan 2021 01:10

NUR-SULTAN. QazAqparat - Germanııa Federatıvtik Respýblıkasy aptalyq monıtorıng nátıjesine sáıkes SARS-CoV-2 juqtyrý kórsetkishteriniń óskendigin málimdedi. Bul týraly QazAqparat COVID-19 taralýyna jol bermeý jónindegi VAK telegram kanalyna silteme jasap habarlaıdy.

Qazirgi ýaqytta Germanııanyń 6 mıllıonnan astam turǵyny COVID-19 vırýsyn juqtyrǵandyǵy anyqtaldy. Sońǵy táýlikte elde koronavırýs ınfektsııasyna shaldyǵýdyń 74 352 jańa jaǵdaıy tirkeldi. COVID-19 saldarynan qaıtys bolǵandardyń jalpy sany 102 568 adamǵa jetti. Densaýlyq saqtaý mınıstri Iens Shpan ınfektsııamen kúresýdiń erejelerin qatań saqtaýǵa jáne jyl sońyna deıin 30 mıllıon adamǵa vaktsına jasaýǵa aımaq basshylaryna nusqaý berdi.

Vaktsına qabyldaýǵa jatatyn Gretsııanyń zeınetker-antıvakserleri endi aıppul tóleıtin boldy. 60 jastan asqan azamattar úshin mindetti ımmýnızatsııa engizildi, ekpe almaǵan jaǵdaıda 100 evro kóleminde aıyppul tóleýi tıis bolady. Ekpe alýdan bas tartqan egde jastaǵy azamattar arasynda kúndelikti ólim-jitim jaǵdaılary oryn alýda, basym bóligi ÓJJ apparatyna qosylǵan. Búgingi kúni Gretsııa halqynyń 63% vaktsınatsııalanǵan. Áıtse de 580 000 zeınetker vırýsqa qarsy ekpe saldyrýdan bas tartyp otyr.


Joǵary qaraı