Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Germanııada COVID-19 vaktsınatsııasynan bas tartatyn dárigerler jumystan bosatylady

2022 jyldyń 18 qańtar 2022 01:57

NUR-SULTAN. QazAqparat - Germanııa COVID-19 vaktsınatsııasynan bas tartatyn dárigerlerge qoıylatyn talaptardy qatańdatady, dep habarlaıdy Covid-19 taralýyna jol bermeý jónindegi VAK baspasóz qyzmeti.

GFR-da sertıfıkatsyz dárigerlik praktıka personaly jumystan bosatylady. Qyzmetkerler 15 naýryzǵa deıin vaktsınatsııa týraly qujatty nemese COVID-19-dan saýyqqandyǵy týraly anyqtamany usynýy kerek.

Bul tek medıtsına salasynyń qyzmetkerlerine ǵana emes, sonymen qatar tazalaýshylarǵa, as úı qyzmetkerlerine jáne jeke medıtsınalyq mekemelerdiń basqa qyzmetkerlerine de qatysty. Medıtsınalyq kómekti úıde kórsetetin nemis dárigerleriniń birlestigi patsıenttermen jumys isteýge tyıym salýy múmkin dep eskertti. Qyzmetkerleri vaktsınatsııadan bas tartqan mekemelerge 2 500 evroǵa deıin aıyppul salynady.

Djons Hopkıns atyndaǵy ınstıtýttyń málimetteri boıynsha pandemııa bastalǵannan beri álemde 328 mıllıonnan astam adam vırýs juqtyrdy, 5 539 514 naýqas aýrý saldarynan kóz jumdy. COVID-19 vırýsyna shaldyǵý derekteri eń kóp tirkelgen elderdiń qataryna AQSh, Úndistan jáne Brazılııa kiredi.

AQSh vırýs juqtyrǵandar men qaıtys bolǵandar sany boıynsha kóshbasshy bolyp qalýda, onda 65 699 947 adamnyń covid-19 indetine shaldyqqany anyqtaldy. Ólim sany 850 605 qurady. Ekinshi orynda Úndistan, onda COVID-19 rastalǵan jaǵdaılardyń sany 37 380 253-ke jetti, al qaıtys bolǵandar sany 486 451. Brazılııada 23 015 128 adam aýrý juqtyrdy, olardyń 621 327-i qaıtys boldy.


Joǵary qaraı