Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Germanııada Abaı Qunanbaıulyna eskertkish ashyldy

2021 jyldyń 23 qazan 2021 13:37

NUR-SULTAN. QazAqparat - Qazaqstan Respýblıkasy Táýelsizdiginiń 30 jyldyǵy aıasynda Germanııa Federatıvtik Respýblıkasynyń astanasy Berlın qalasynda, elimizdiń uly aqyny, aǵartýshy, qazaq jazba ádebıetiniń, qazaq ádebı tiliniń negizin qalaýshy Abaı Qunanbaıulyna arnalǵan eskertkishtiń resmı ashylý saltanaty ótti.

Eskertkishtiń ashylý rásimine Mádenıet jáne sport mınıstri Aqtoty Raıymqulova men Qazaqstan Respýblıkasynyń Germanııadaǵy Tótenshe jáne Ókiletti Elshisi Dáýren Káripov qatysty, dep habarlaıdy QazAqparat QR Mádenıet jáne sport mınıstrliginiń baspasóz qyzmetine silteme jasap.

Aqtoty Raıymqulova Germanııa halqy men Úkimetine elimizdiń Abaıǵa eskertkish ornatý jónindegi usynysyn qoldap, demeý kórsetkeni úshin alǵys bildirdi.

«Byltyr biz álemdik deńgeıdegi oıshyl, uly aqyn, qazaq jazba ádebıetiniń negizin qalaýshylardyń biri – Abaı Qunanbaıulynyń 175 jyldyq mereıtoıyn atap óttik. Mereıtoı aıasynda Sıngapýrda, Bolgarııada, Majarstanda, Birikken Arab Ámirlikterinde, Pákstanda, Efıopııada, Chehııada Abaı ortalyǵy oqyrmanǵa esigin aıqara ashty. Sonymen qatar Majarstan, Ońtústik Koreıa Respýblıkasy, Frantsııa, Túrkııa, Ózbekstan, Mysyr, Reseı Federatsııasy jáne basqa elderde Abaı eskertkishi ashyldy.

Abaı shyǵarmashylyǵy qazaq halqy men ózge ulttar mádenıeti arasyndaǵy dáneker. Abaı qazaq halqynyń ǵana tulǵasy emes. Onyń jalpy adamı qundylyqtardy nasıhattaıtyn shyǵarmashylyǵy adamzatqa ortaq, ári álemdik ádebıettiń ajyramas bóligine aınaldy.

Abaı Qunanbaıuly men Germanııa halqynyń uly aqyny Gete poezııasy arasynda tańǵalarlyq úndestikti baıqamaý múmkin emes. Abaı aýdarmasynyń arqasynda biz Iogann Geteniń birshama týyndysymen etene tanystyq. Sonyń biri, ári biregeıi hakim ana tilimizde sóıletken «Qarańǵy túnde taý qalǵyp» óleńi. Osylaısha, Abaı eki halyqtyń ádebıeti men mádenıetin baılanystyrýshy berik kópirge aınaldy. Abaı men Gete sekildi adamzattyń asyl uldaryn ardaqtaý, olardyń murasyn, esimin asqaqtatý – Siz ben bizdiń paryzymyz. Búgin mazmundy meımandostyq dástúrde ótip jatqan is-shara joǵaryda aıtyp ótken rýhanı baılanysty nyǵaıta bererine senimim mol»,-dedi Mádenıet jáne sport mınıstri.

Aıta keteıik, Abaı Qunanbaıuly músininiń avtory «Álem halyqtarynyń óneri» Halyqaralyq Assotsıatsııasynyń laýreaty Bolat Mekebaev.


Joǵary qaraı