Aýa raıy
Astana 8 °S
Almaty 11 °S
valıýta baǵamy
USD 421.58
EUR 496.83
RUB 5.53
CNY 62.20

Gennadıı Shıpovskıh qazaqshasy «aqsap» turǵan sheneýnikter týraly aıtty

2020 jyldyń 25 qyrkúıek 2020 16:41

NUR-SULTAN. QazAqparat - Keı memlekettik qyzmetshi «qarany qara, aqty aq» dep qazaq tilinde túsindirip te bere almaıdy. Bul týraly «Til tutastyǵy - el tutastyǵy» atty onlaın-konferentsııasynda Májilis depýtaty Gennadıı Shıpovskıh aıtty, dep habarlaıdy QazAqparat tilshisi.

«Búgingi tańda jastarǵa qatysty sapaly ári qyzyqty kontent qalyptastyrý qajet. ıAǵnı, jastarymyzdy qazaq tiline qyzyqtyratyndaı kontent kerek. Óıtkeni, óskeleń urpaq qazaq tilinde sóıleý úshin osy baǵyttarǵa naqty mán bergenimiz jón. Sonymen qatar shetelden keletin kınotýyndylarǵa qazaq tilinde dýblıaj jasalýy tıis. « Bolashaq « qaýymdastyǵy kóptegen kınotýyndyny qazaq tiline aýdarǵanyn bilemiz. Olardyń biraz jobalarynyń tusaýkeserine baryp, Gollıvýd akterleri qazaq tilinde sóılegen kezde rýhtanyp qaıtqan edik. Menińshe, osy dýblıaj máselesin Mádenıet mınıstrligimen birlesip sheshsek, abzal bolar edi»,- dedi Májilis depýtaty.

Sonymen qatar ol kınoteatrlar qazaq tiline dýblıajdalǵan fılmderdi, qazaq rejısserleri túsirgen fılmderdi praım-taım ýaqytynda kórsetýi tıistigin basa aıtty. Munan bólek depýtat memlekettik tildi bilmeıtin sheneýnikterdiń de bar ekendigin aıryqsha atap ótti.

«Ortalyq kommýnıkatsııalar qyzmetindegi brıfıngte nemese óńirlerge barǵanda keıbir memlekettik qyzmetshiler qazaq tilinde sóılegen kezde «aqsap» jatady. Tipti, «qarany qara, aqty aq» dep qazaq tilinde túsindirip te bere almaıdy. Bul, halyq arasynda teris kózqaras qalyptastyrady. Menińshe, osyǵan da mán berýimiz kerek. Máselen, «Tańsholpan» baǵdarlamasynyń tilshileri elimizdegi bir mınıstrlikke habarlasyp, qazaq tilinde spıker surasa memlekettik tilde sóılep bere alatyn spıkerleriniń joq ekendigin aıtypty. Osyndaı úlken mınıstrlikte qazaqsha túsindirip bere alatyn mamannyń joqtyǵyna tańǵalamyn», - dedi Gennadıı Shıpovskıh.

Foto: assembly.kz
Avtor Marlan Jıembaı
Basty sózder: Parlament, Qoǵam,
Joǵary qaraı