Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Gaza sektoryndaǵy qaqtyǵys: Izraıl rezervtegi 9 myń adamdy áskerge shaqyrady

2021 jyldyń 14 mamyr 2021 09:11

NUR-SULTAN. QazAqparat – Gaza sektoryndaǵy qaqtyǵystyń shıelenisýine baılanysty Izraıl 9 myń rezervshini áskerge shaqyrady jáne jerdegi operatsııaǵa daıyn ekenin málimdeıdi. Palestınalyqtardyń zymyran shabýylynan qaza tapqandar sany 100-den asty. Gazada 600-den astam nysan qıraǵan, dep habarlaıdy QazAqparat Euronews agenttigine silteme jasap.

Dúısenbiden bastap Izraılde bir jarym myńnan astam zymyran atyldy. Onyń 90%-yna tosqaýyl jasaldy, dep habarlaıdy jergilikti bılik.

«Temir kúmbez» júıesin qorǵaýdyń arqasynda biz shabýyl jasaı alamyz. Izraıl qorǵanys áskeri qazirdiń ózinde júzdegen nysanaǵa dál soqqy berdi, jaqynda olardyń sany myńnan asady. Biz óz azamattarymyzdy qorǵaý úshin HAMAS-qa soqqy beremiz», - deıdi Izraıl premer-mınıstri Bınıamın Netanıahý.

Qozǵalys ókilderiniń ózi de kúresti jalǵastyrýǵa bel býyp, bir ýaqytta jaýǵa qaraı júzge jýyq zymyran jibere aldyq dep málimdedi.

«Tel-Avıvke, Ierýsalımge, Dımonǵa, Ashkelonǵa, Ashdodqa, Beer-Shevaǵa jáne basqa da qalalarǵa soqqy berý biz úshin sý ishýden de ońaı boldy. Ári qaraı da osylaı bolady», - deıdi HAMAS qozǵalysynyń jaýyngerlik qanatynyń ókili Abý Ýbaıda.

BUU taraptardy qaqtyǵysty ýshyqtyrmaýǵa shaqyrady.

Bas hatshy Antonıý Gýterrısh eldi mekenderdi tańdamaı atýǵa jol berilmeıtinin málimdedi.


Basty sózder: Oqıǵa, Álem,
Joǵary qaraı