Aýa raıy
Astana -15 °S
Almaty -14 °S
valıýta baǵamy
USD 421.58
EUR 496.83
RUB 5.53
CNY 62.20

Ǵarysh monıtorıngi: Paıdalanylmaı jatqan 7,7 mln gektar jaıylym jerdiń bir bóligi memleketke qaıtaryldy

2020 jyldyń 6 qazan 2020 17:19

NUR-SULTAN. QazAqparat – Aýyl sharýashylyǵy mınıstrligi paıdalanylmaı jatqan jaıylym jerdi ǵarysh monıtorıngimen anyqtaý júıesin basqa óńirlerge engizý máselesin pysyqtap jatyr, dep habarlaıdy QazAqparat tilshisi.

«Búgingi tańda Qazaqstanda aýyl sharýashylyǵy jerleriniń jalpy alańy 202 mln gektardy quraıdy. Onyń ishinde aýyl sharýashylyǵyna paıdalanylatyny – 106,4 mln gektar. Bosalqy jerler – 96,7 mln gektar (47,8%). ıAǵnı aýqymdy jer paıdalanýshylarǵa bekitilip berilmegen. Bizdiń negizgi mindetimiz – paıdalanylmaı jatqan barlyq aýyl sharýashylyǵy jerlerin ekonomıkalyq aınalymǵa tartyp, olardy utymdy paıdalaný», - dedi Aýyl sharýashylyǵy mınıstri Saparhan Omarov OKQ-da ótken baspasóz máslıhatynda.

Onyń aıtýynsha paıdalanylmaıtyn aýyl sharýashylyǵy jerlerin anyqtaý jáne olardy utymdy paıdalaný úshin 4 oblysta (Qostanaı, Mańǵystaý, Aqmola jáne Shyǵys Qazaqstan oblystary) veb-portalda jerlerdi ǵaryshtyq monıtorıngileý derekteri paıdalanylatyn pılot joba iske asyrylýda. Osy rette birinshi kezekte jaıylym alqaptary pysyqtaldy. Bul «Memlekettik jer kadastrynyń avtomattandyrylǵan aqparattyq júıesi» men «Aýyl sharýashylyǵy janýarlaryn birdeılendirý» veb-portaldaryndaǵy derekqorlardy ıntegratsııalaý jolymen iske asyrylǵan. ıAǵnı, júıe belgilengen normatıvterge sáıkes jaıylymdyq alqaptardyń aýyl sharýashylyǵy janýarynyń bir shartty basyna arnalǵan júktemesin avtomatty túrde salystyryp, tekseredi.

«Máselen, ǵaryshtyq monıtorıngteýdiń birinshi kezeńiniń derekteri boıynsha pılottyq óńirlerde 7,7 mln gektar alańda paıdalanylmaı jatqan jaıylymdyq alqap anyqtaldy. Olar boıynsha mynadaı sharalar qabyldandy: 3026 sýbektige jalpy alańy 4,83 mln gektardaǵy buzýshylyqtardy joıý týraly habarlama joldandy. Aýyl sharýashylyǵy janýarlaryn birdeılendirý jáne taǵy basqa bazalardaǵy derekterdi túzetý arqyly 1,1 mln gektar sáıkestendirildi. 2,6 mln gektar jaıylym memleket menshigine qaıtaryldy», - dedi ol.

Ekinshi kezeńde pılottyq óńirlerde paıdalanylmaıtyn egistikterdi anyqtaý júrgizilip, ol boıynsha 48,7 myń gektar anyqtalǵan. Túpkilikti nátıjeler 2020 jyldyń 1 qarashasyna qaraı daıyn bolady.

«Ǵaryshtyq monıtorıngtiń barlyq derekteri veb-portalda kórsetiledi, olar elektrondyq kartada belgilengen túrli-tústi shartty belgilerimen birge qaraý úshin qoljetimdi. Pılottyq joba sátti iske asqan jaǵdaıda, bul tájirıbe basqa óńirlerde de qoldanylady», - deıdi Saparhan Omarov.


Joǵary qaraı