Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Gandboldan Azııa chempıonaty: Qazaqstan qyzdary jeńiske jetti

2021 jyldyń 15 qyrkúıek 2021 18:53

NUR-SULTAN. QazAqparat - Búgin gandboldan qyzdar arasyndaǵy Azııa chempıonatynyń alǵashqy týrynda Qazaqstan quramasy Sıngapýrden basym tústi, dep habarlaıdy QazAqparat tilshisi.

Qazaqstandyq sportshylar Sıngapýr qyzdaryn 33:18 esebimen jeńdi. Al atalǵan toptaǵy Ońtústik Koreıa Ózbekstandy 45:19 esebimen tize búktirdi.
Jarysqa qatysatyn 12 qurama eki topqa bólingen. Qazaqstan qyzdary A tobynda Ońtústik Koreıa, Gonkong, Sıngapýr, Qatar, Ózbekstan quramalarymen synǵa túsedi.
Aldymen qazaqstandyq gandbolshylar endi 16 qyrkúıekte Gonkong, 17 qyrkúıekte Ózbekstanmen sheberlik baıqasady. Al 21 qyrkúıekte Ońtústik Koreıamen kezdesedi.
Al V tobynda Iordanııa, Japonııa, Iran, Úndistan, Kýveıt, Aýǵanstan bar.
Azııa chempıonatynda 23 qyrkúıekte jartylaı fınal ótkizilse, fınal 25 qyrkúıekke belgilengen.
Aıta ketsek, qurlyqtyq doda 1987 jyldan beri turaqty túrde ótkizilip keledi.
Buǵan deıin Ońtústik Koreıa 14 márte chempıon atandy. Al Qazaqstan quramasy 2002 jáne 2010 jyldary eki márte jeńimpaz tuǵyrynan kórindi. Al Japonııa bir márte altynnan alqa taqty.


Foto: olympic.kz

Avtor Ádiljan Úmbet
Basty sózder: Sport,
Joǵary qaraı